انا احمد الله يوم ربي عطاني = حب الطليعه لا غدى الراس راسين
اهجد الشعّار واللي عصاني= والله يرحم من توفى على الدين

وانا احمد الله يوم ما الله بلاني = مع اكثر الشعار ولا المساكين .
مثل الجبل يا صاح ثابت مكاني = ثابت مكاني لا يسارٍ ولا يمين .

شفت النجوم وشفت برق اليماني = اهلا هلابك يا رفيع الجناحين
صعب ارتفاع النفس عقب الطماني = الله يسامحنا على الزين والشين

خلك عصامي وخل عندك تفاني = ربي خلقنا يا عزيزي من الطين
ومنهو يخون العرض غير الزواني؟ = ما تنفعه ركعه ولا ينفعه دٍين

انا بعلم الدين ربي عطاني = واعلم بأ سما الله تسعه وتسعين .
ياشيخ صل وصوم شهر رمضاني = وفي خطبة الجمعه لك الناس موحين .

عمر الرجل لو طال يبقى ثواني = وينك ووين المجد يا صاحبي وين
عن شوفت اهل الحقد ربي عماني = وعن شوفت اهل الحق ما غمضت عين

انا بديت القول والله حماني= وترى البيارق وارثينه من سنين
ونهايت الموضوع والعمر فاني = اهجد الشعّــار بكل الميادين

المشاركة الأصلية كتبت بواسطة مؤرخ محايد (المشاركة 558643) انا بديت القول والله حماني= وترى البيارق وارثينه من سنين ونهايت الموضوع والعمر فاني = اهجد الشعّــار بكل الميادين