انا شاعر وعندي للامثال مقياس=ودقيت جوالي وجاوب للارسال
اسامي عتيبة بين دله ومحماس= ونجر ابن ونه والفنيجل وفنجال

الا يارفيع المنزل البيت له ساس=وبيت المعزه للرياجيل مدهال
اسامي بني وايل مفضي وبلاس=وفيكم معشي والمفلي يارجال

عسى البيت يثبت كل ماهب نسناس=وهوج العواصف تودع البيت ينشال
ترى جد ذولا عندكم عاش وانحاس=وسمى عيال ابنه على بعض الاخوال

ترى البيت ثابت من على وقت جساس=تهب الهبايب ثابت البيت ولا زال
ترى جد ذولا دونه السيف والماس=وحنا عتيبه يوم وقفات الابطال

ترى البيت من دونه مخافر وحراس=وياقل دينك يوم جيته بالاهوال
تظن ابن وايل عنك في عينه نعاس=وطحت بيدينه وانتهت كل الآمال

تحزم تحزم وضعنا الليل حساس=ابشغلك لومنته بضاري بالاشغال
تبى الربح منا مارحصلت الافلاس=لونك تغنيلك ثلاثين موال

تبي تنطح جبال السروات بالراس=والاشغال لك والوايلي عنده المال
لعبت البطوله وانت عينك على الكاس=ولاجبت ناتج غير الاقفا والاقبال