|
من اكل المقلب الشعري الشيخي ام ابن شايق الكل يشارك!!!!!!!
مسيتوا بالخير اطرح لكم مثل هذه المواضيع التى اعتقد انها شيقه والكل يرغبها وقد بدا بمثل هذه المواضيع العضو الغائب الحاضر نادر العش ,,,,,,الليله جايب لكم محاوره بين الشاعر عبدالله بن شايق والشاعر ابراهيم الشيخي وحصل فيها مقلب او مطب صناعي خطير من احد الشاعرين ضد الاخر ولم يكتشفه الاخر انا اريد منكم اكتشاف هذا اللغم وا المطب واول واحد سوف يجيب عن هذا اللغم ساشارك واقول انه الحل الصحيح وانهي جميع التوقعات,,,,,يله يا عاشقي الشعر يله ياشعراء منتدى الهيلا اليكم المحاوره واترك لكم الاكتشاف: ابن شايق: حيالله الشيخي اللي له ثلاث سنين مفقود********** والعين والدال حرفينن غلطنا في حداها ياحبني للعميل اللي يعرف البيض والسود************ماهوب يسهر عيونه من عناها في عماها الشيخي: الله يبقيك وانا حيث كان الشعر موجود*********** في حفلة اصحابنا قحطان ولا في سواها الشعر معنى ومبنى مايحب النقص والزود********ثابت على مستوى ناس رفيعن مستواها ابن شايق: ماتدري ان اكثر الضباط كان منول اجنود*******وماتدري ان الشوارب فعلها يحمى لحاها اليا مزحنا مزحنا والليالي سهود ومهود*******ومن لا يعرف الصقور يقول هالاول شواها الشيخي: لا والله ادري واعرف ان العنب عنقود عنقود******* واخرعناقيده اللي زايده نسبة حلاها اسمي على اسم النبي لكن ماحصلت نمرود******** حصلت من يسرق االديره وهو حامي حماها ابن شايق: صدقت في حال لكن حال هرجك ماله شهود*******يابعد والله ثريانا الرفيعه عن ثراها كان تحب القشر ماعندي الا ريح بارود********** لاشمه الذيب ينسى عويتن له قد عواها الشيخي: يابو شنب كل ذي نعمه على ماقيل محسود********اللي عطاك النعم تفرح بها غيرك عطاها ماجيتك الا بدرع من حديد وسيف مجرود******** والند بالند كان المعركه دارت رحاها ابن شايق: اللي يحكم الوطن والشعب ابو متعب وال سعود********الله ينصر حكومتنا الرشيده ويحماها انا عطيتك يمين الشرع وانته عطني عهود********** واقول يامن حضر صلوا على المختار طاها الشيخي: لوكان ماعندك استعداد تستقبل لك وفود********* ماكان شبيت نار يجذب الطرقي سناها من عام الاول وردت العد واثر العد مورود******* واليوم ماعاد ابه ناس مذللها غماها ابن شايق: تعرف الاسد والدار فيه نمور ووسود******وان ما كلتها الاسود اكيد يالشيخي كلاها بكره يرد البرا والمعركه حاوي ومردود*******ان جات ولا ذلوف مقيط والدلو ورشاها الشيخي: طبيعة من جاها رضى ماهوب محدود****** ما عاد يمديه يتندم على خطوه مشاها الذنب ماهوب ذنبي يوم شفت الريع مقعود******** ياكثر الارياع وانا دونها ولا وراها |
والله ماعرفته ونا خوك لكن
لابد ان اشكرك على هذا الطرح الرائع |
أنا أقولك بالبيت الأول حيا الله الشيخي اللي له ثلاث سنين مفقو........ وحط الحرف الثاني اللي المذكور بعجز البيت والله ياابن شايق انك لله مش مهضوم معاي ليش مدري سلملي على ملفي و رده على بيت زقزوق وطقتها |
اصلا الشيخي ياهو ياكل مقالب كبر الجبال .. لكنه ذكي يمررها على الجماهير واللي يتابعون على اساس ان مقصد البيت طيب .. ولاننكر شاعريته .. بالنسبه لهذي المحاوره اكلها من اول شطر وحرف زياده على البيعه :p.. .. |
شكرا يابو فابح .. .. |
ماشاء الله عليكم شعار ياعيال الهيلا فعلا الشيخي اكلها من اول شطر ومن لم يفهم : يضع بدل الدال حرف عين في اول شطر وسيتضح المعنى. |
هههههههههههههه
الله يكفينا شر ابن شايق من اوووووووول المحاوره مخرررررررربها والشيخي شاعر حكيييييم وحضرت له الكثير من المحاورات وتأتيه ردوود قاسيه ويتغاضى عن الرد عنها ليس لعدم قدرة على الرد بمثل المستووى لا بل حكمة منه واحتراما لجمهووووره ولاهنت يا ابو فايح بيض الله وجهك عالطرح الرائع |
انا عطيتك يمين الشرع وانته عطني عهود
هذا المقلب والشيخي دايم ياكل مطبات يقول له حبيب يالعسكر اللي بالسلاح تداقشون مع الطبول <<لايداقش مع الطبول غير بنات الحلال ليا رقصن للمعلوميه بن شايق عقله مش ولابد سلم لي على ملفي |
مشكووووووور يابو فايح
وصدق من قال في كل وادي يهيمون 00تقبل مروري |
لا أستطيع أن أحكم . ولكن يا أخوان فرق السن وفرق المشوار الشعري له دور .
وعبدالله بن شايق شاعر فعلاً ولابه قصور , وإبراهيم الشيخي شاعر فعلا ً ولابه قصور . وإذا أ ُعتبر أن المطب الشعري في مطلع الأبيات لأبن شايق عندما قال: حيالله الشيخي اللي له ثلاث سنين مفقود********** والعين والدال حرفينن غلطنا في حداها فمن الواضح أن المطب لم يفوت على الشيخي ولكن تنبهه للمطب جاء متأخر في بيته الثاني فقال:الشعر معنى ومبنى مايحب النقص والزود********ثابت على مستوى ناس رفيعن مستواها أخوكم/ قادح شرار. |
بيض الله وجهك يا ابو فايح والله لا يهينك
وانا اقول ابن شايق ما يخلي عوايده لكن عطا الشيخي درس ما ينساه |
ابــن شــايق شــاعر كبيــر .. والشيــخي شــاعر محــاورة من الطــراز النــادر كبقيــة شعــار زهــران العنــاصي .. اما حكــاية البيــت الاول .. حتــى لو قصــد ماقصــد بعــض الاخــوان فـأعتقــد انه مجــرد كــلام ابــراهيــم رجــال من ظهــر رجــال زهــراني .. واعتقــد ان الشيــخي رد في بيتــه الثــاني ولــكن بـأحتــرام لأن عــادة زهــران الاحتــرام لكــل القبــايل ولايريــدون انتقــاصها .. عــاشــت زهــران وشــاعر المحــاورة الاول ابــراهيــم الشيــخي ( سيــر واحنــا وراك ) .. http://arb7.com/uploads/27d112e0eb.bmp تحيـــات عـــاشــق الاهلــي وجمهـــوره نـــايــف الدوســي الزهــــراني |
مقلب قووووووووووي
هالقحطاني خطير.. |
يااار وحي
يا بوو شنب |
اقتباس:
واظن انه يبغى يهدي الجو خاصة انه عند قحطان هذا ذكاء من ابراهيم الشيخي وحنكة شعرية تدل على معرفته بشعر المحاوره والف شكر ياخي ابو فايح على الموضوع الرائع وتقبل تحياتي |
اعتقد انا رايي من راي الاخوان
البيت واضح وليس مقلب حتى يمر على الشيخي الذي يعتبر ذكي جدا وشاعر شهدله الزلامي فالبيت واضح حتى للشاعر الغشيم واعتقد ان الشيخي تنزه عن هذا البيت وعلى الرد على ابن شايق بالبيت الثاني اذا تريدون المقالب والتي لا ينتبه لها احد فهي ملك للشاعر حبيب العازمي وليس لغيره فهو من يجيدها باقتدار |
أشكر جميع الاخوان ومما ليس فيه شك في ان الشيخي من افضل الشعراء الشباب ولكن ليس الاول كما قال اخي دوسي زهراني ولكن أعتقد أنه اكل المقلب على الطاير والا كان رد في البيت الاول. |
وإذا أ ُعتبر أن المطب الشعري في مطلع الأبيات لأبن شايق عندما قال:[/color] حيالله الشيخي اللي له ثلاث سنين مفقود********** والعين والدال حرفينن غلطنا في حداها
فمن الواضح أن المطب لم يفوت على الشيخي ولكن تنبهه للمطب جاء متأخر في بيته الثاني فقال:الشعر معنى ومبنى مايحب النقص والزود********ثابت على مستوى ناس رفيعن مستواها أخوكم/ قادح شرار.[/QUOTE] أرى أن الشيخـي ترفع أو يتغاضى عن هذا الشعر الركيكـ سلملي على ملفـي بس :D |
اي شاعر مهما كان حجمه لابد يمٌر عليه مطبات في بعض الاحيان يذكرها متأخره وبعض الاحيان يتجنبها بحكمه ..
الزهراني شاعر لاختلف عليه اثنين سواء مرت عليه او مامرت لكن الواضح انها مرت عليه لو كان فعلا عارفها كان على الاقل مارد الترحيبه .. بس اعتقد انها مرت عليه وهذا مايعيبه كشاعر |
يالربع الله يهديكم انا وانا ماني شاعر من اول ماسمعتها في قناة الساحة فهمتها فما بالكم بالشيخي الشاعر وانا مااقول الشيخي ماياكل مطبات
نعم ياكلها لكن مطب بهذا المستوى الضعيف لااعتقد يمر مكشوفة ياجماعة الخير الله يهديكم وسلملي على الزلامي يوم قال لزيد العضيلة العلوم الاولة خلها فالدروج ويقصد انكم يامطير منتم من هل الاولة هاذي المطبات صح ماهوب هالخرطي مع احترامي |
ث ا ن ك س
أبو فايح مطب شديد الأنقلاب وبين أن الـ شيخي أكله ههههه وفيه مقلب ثاني راح على الشيخي في نفس هالمحاورة لاكن في طاروق أخر في طاروق جوفها ..!!!؟؟؟ شكر ابو فايح |
اشكــر كل الاعضــاء الذي ردوا بــذكــاء واكــدوا انهــم فاهميــنها فمــابلك بالشيــخي والذي معــروف عنــه الحنــكة وعــدم الدخــول في المهــاترات التي لاتنفــع .. يكفــي ان الشيــخي قــابل كــل الشعــار في اقل من سنتيــن ومرغــوب من كــل القبــايل عكــس بعض الشعــار والذيــن يتهــربون من بن شــايق .. كفــو ياصبــي زهــران العنــاصي مروضـة كل عــاصي .. يابوفــايح .. الشيخــي شهــدله ملــك الشعــر الزلامــي بـأنه افضــل الشعــار الشبــاب حــاليا وليس من هــواة الموالات وان لم يكــن الافضــل فمن هــو الافضــل ،، قال مطــير تقــابل عتيبه وصــار افضل شــاعر محــاوره .. سبحــان الله .. الله يرحمــك ياصيــاف ويعــوضنا بخليفــتك الشيخــي .. http://arb7.com/uploads/0ed49e4b94.gif تحيـــات عـــاشــق الاهلــي وجمهـــوره نـــايــف الدوســي الزهــــراني |
ياشباب بارك الله فيكم
عبدالله بن شايق شاعر كبير وله وزنه وثقله فى ساحة المحاوره وماهو محتاج لشهادتنا وشهادة الاعضاء اللي كثير منهم ممكن يتابع المحاوره من زاويه واحده المسئله ماهي مسئلة الشاعر هذا يخشا مقابلت الشاعر الفلاني هذى ماهي مسئلة تقيم او حكم على شاعر لكل شاعر اسلوب ونهج رشيد الزلامي في لقاء الساحه اللي تابعه قال عبدالله بن شايق الشاعر الداهيه هل رشيد الزلامي لايفهم فى المحاوره !!!!! صياف الحربي شهد لعبدالله بن شايق رحم الله صياف احمد الناصر وكثير من الشعراء الكبار اذا ماهو محتاج شهادتنا لكي نقيم ابن شايق واذا كان ابن شايق في عيونا كبير فهو يستحق هذا المكان ولا نريد التفتيش فى الملفات ونظهر اشياء تزعل الجميع في محاورات مسجله ومثبته ونثير الفتنه والعنصريه ونرجع الى التخلف ولكن انا من وجهة النظري المحاوره انتهت مع عبدالله المسعودي + مطلق الثبيتي فى الوقت الحالي اصبح الجمهور هو سبب رئيسي لنزول مستوى المحاوره ووصولها الى هذى المهاترات اتمنى من الكل عدم المساس والتجريح في اخواننا الشعراء اذا كنت غير قادر على معرفة تقيم الشعراء التزم الصمت وترك التقيم لشعراء يعرفون النقد والتقيم ونرجو ترك العاطفه والحميه القبليه |
السلام عليكم
فى نضرى ان المقلب اكله الجمهور من عنده تفسير للعين والدال دققو في هذه الابيات وحللوه ابن شايق: ماتدري ان اكثر الضباط كان منول اجنود*******وماتدري ان الشوارب فعلها يحمى لحاها اليا مزحنا مزحنا والليالي سهود ومهود*******ومن لا يعرف الصقور يقول هالاول شواها الشيخي: لا والله ادري واعرف ان العنب عنقود عنقود******* واخرعناقيده اللي زايده نسبة حلاها اسمي على اسم النبي لكن ماحصلت نمرود******** حصلت من يسرق االديره وهو حامي حماها ابن شايق: صدقت في حال لكن حال هرجك ماله شهود*******يابعد والله ثريانا الرفيعه عن ثراها كان تحب القشر ماعندي الا ريح بارود********** لاشمه الذيب ينسى عويتن له قد عواها الشيخي: يابو شنب كل ذي نعمه على ماقيل محسود********اللي عطاك النعم تفرح بها غيرك عطاها ماجيتك الا بدرع من حديد وسيف مجرود******** والند بالند كان المعركه دارت رحاها وخرجو منها بسلام ابن شايق: اللي يحكم الوطن والشعب ابو متعب وال سعود********الله ينصر حكومتنا الرشيده ويحماها انا عطيتك يمين الشرع وانته عطني عهود********** واقول يامن حضر صلوا على المختار طاها مجرد راى وشكرا على الموضوع الدسم |
والله انك ما تستاهل يا الشيخي هههههههههههههههههههههه
|
اقتباس:
لاهنت ابن نميان على المرور وياليت لو توضح لنا المقلب اللي تقوله اقتباس:
أنا ما أقول ان الشيخي ماهو شاعر الا يا نايف شاعر ونص لكن ليس الافضل من وجهة نظري وكل له راي ولا أريد أن اخرج بالموضوع الى مجال المقارنات التى كل له راي بها . اقتباس:
صح لسانك اقتباس:
ممكن توضح يالغالي اقتباس:
شاكر لك على المرور |
الف شكــر على ردك يابوفــايح واتــأسف اذا كنــت غلطــت عليــك ..
ورأيــك على رأســي .. |
ابن شايق طقها ولحقها
اجل اجل الذيب ينبح ههههههههه |
اقتباس:
ماحصل الاخير يانايف اقتباس:
وجهة نظر نحترمها |
مع احترامي لشاعرية ابن شايق
ولكن هالمقلب بهالاسلوب والطريقة يوخذ على ابن شايق اكثر ممايعطية لانه اسلوب وطريقة بدائية جداً بعكس لوكان شاعر توه يدخل ساحة المحاورة ويجهل فيها الكثير والمفروض على شاعر لعب اكثر من محاورة يفهمها وهي طايرة مثل الشيخي لكن ماقول غير سلمولي والله على شعار الطايف وماحولها من غير قصور في البقية |
اقتباس:
كلامك صحيح بس ياخي ماكنك همشت بعض شعرائنا الكبار الحاليين |
اقتباس:
حذف المشاركه اللي انا شاركت بها يعني علي شأن الكلام مااعجبكم ولاكن مهما قلتم في ابن شايق من نقد حاقد مثل الجبل مايهزة ريح شعار الطايف مافيهم قصور وشعار الرياض مافيهم قصور عندنا وعندك خير وبعد سلمني على حمد بن هادي المسردي وتذكر محاورته مع خلف بحضور الامير سلمان ماحصل لخلف خلنا ساكتين (( وتقول طريقه بدائية )) يعني كلام الزلامي وين راح |
الله يهديك يابن جفشان والله لاحنا بحاقدين على ابن شايق ولاعلى غيره
بس المحاورة وانا خوك تراها مهيب نظم بيوت وتغنى بين الصفوف هذي مراد نشى في منطقة الحجاز وفي الطايف بالتحديد وقوانين المراد ونظم البيوت وفتلها هم ابخصبها البيت في المحاورة لازم يصير مثل الجدار متماسك ماتلقى عليه مدخل وحمد بن هادي شاعر جزل مافيه كلام لكن والله في المحاورة ان كانت تفسر على الظاهر مثل مايفسرونها بعض الشعار اللي لاجده ولا بوه ولا ورث قبيلته الادبي متعلق بالمحاورة يمكن اقول مافيه زيه وانا شفت له محاورة مع الزلامي على قناة الساحة وكان سريع بديهة وكل بيت يجيبه يلقى عليه الزلامي مدخل فيه شعر المحاورة وانا خوك مايفسر على الواضح ولايمهك مايصير اليوم من بعض الشباب اللي دخلو عرض على المحاورة كلامهم يفهمه حتى الهندي ارجع للشعار في الحجاز مثل الجبرتي ولا الثبيتي ولا المسعودي ولاصياف ومستور والزلامي وعوض الله السلمي لالعبو مع بعض ولا غيرهم من شعار الحجاز قديم وجديد وخلهم يلعبون بينهم وشف تعرف وش يلعبون عليه ولا لا وياليتك تقبل كلامنا بصدر رحب وهذي وجهات نظر تمثلنا شخصياً |
المحاورة فتل ونقض
وانت شفت محاورته مع الزلامي من هو اللي يتأخر بالرد ان كانك تدري وان كان عندك شعار في الحجاز فحنا نعرفهم (( توقع)) نسيت حمد بن هادي وفهد المحيشر وعلى ذكر شعار الحجاز شف حبيب بعد زواج السامر هو عاد قابل ابن شايق وبعد مستور بعد حفل الجهيمي هو عاد قابل ابن شايق |
الله يهديك يابن جفشان وانا وش اقول من اليوم اقولك شعر المحاورة لازم الواحد يدقق في بيوته قبل لايقولها واكيد لاصار الواحد مهوب مدقق في بيوته بيجيب البيت طوالي يمكن قبل لايشيل الصف الثاني بس لاصار يدور على الشاعر الثاني ويدقق في بيته اكيد يبي ياخذ اطول من اللي يجيبها من قريب لادقق ولا تمعن في بيوت الشاعر الثاني
وحمد هادي وابن محيشير الله يرحمهم شاعر مافيهم كلام لكن والله في لعب المحاورة على (( اوصولها )) مهمب حول شاعر الحجاز الثانين ولاصار حبيب ومستور اللي جدودهم وجدود جدودهم هم اهل المحاورة ودفن المعاني لعبو مع ابن شايق في محاورة ولاعاد قابلوه تتوقع ليش معاد قابلوه لانه ينقض بيوت الخصم ويفتل بيوته على معنى مايفهمه غير هو لحاله ولا وش المشكلة؟؟؟؟؟؟؟؟ وابي اعطيك مثل وخلك صريح معي لعب قحطاني اضمن اسمه شديد او ابوه شديد مع محمد بن مشيط المري في حفل سهول وشفتها في قناة الساحة بدها القحطاني يقول (( سلام )) الله على السهول (( ومرحبا )) باسم السهول.... الخ البيت يعني سلم ورحب في بيت واحد ولاعمرها صارت ولاراح تصير عند اهل المحاورة تدري ليش لان نظام المحاورة ( السلام ) مثل السلام عليكم ( ومرحبا ) مثل وعليكم السلام وهذا نظام معروف في لعب المحاورة بالله قد شفت واحد يدخل على ناس ويقول السلام عليكم وبعدين يقول وعليكم السلام ؟؟؟؟؟؟؟ المصيبة والكارثة مهيب من الشاعر ابن شديد او شديد لانه بين عليه جديد ويمكن تغره بعض الامور في المحاورة المصيبة جت من ابن مشيط اللي له سنين يلعب محاورة ولايعرف اصولها رد عليه ماحفظت وش قال بس قال ( يامرحبا ) و ( الك البقا ) يعني كرر غلط الشاعر شديد وفي نظام المحاورة من يسلم يرد عليه الثاني ويقول مرحبا ومن يقول مرحبا يرد عليه الثاني ويقول الك البقا تجمع ثنتين مع بعض مايصير للاسف والعتب اكثر على ابن مشيط سوو حاجه ماتوقع احد انها تصير يوم من الايام في لعب المحاورة |
شعراء الحجاز هم اهل المحاوره
شعراء الحجاز يلعبون والله لو تجلس انك ما تقدر ولا بتعرف وش يقصدون شعر حبك وقوة عجيبه المحاوره من بدايتها وقوتها بالحجاز شعراء الحجاز هم افضل شعراء المحاوره وهذه الحقيقه بدون منازع بصراحه انا لا ارى المحاوره الا بهم فقط المحاورا ت القوية والتي لا تنسى هي ملك لشعراء الحجاز فقط اما غيرهم فمحاورتهم عاديه ولن تصل لمستوى محاورات شعراء الحجاز اما عن ابن شايق فهو شاعر كبير ويستحق الاحترام والتقدير بالنسبه لبيته للشيخي فهو بيت واضح ولا يوجد به تمرير اول مره اعرف التمرير بهذه الطريقه اذا تريدون لعبة التمرير على الشعراء فهي ملك لابو مشعاب.. وحبيب العازمي.. وحبيب قال في لقاء التمرير على الشعراء هي لعبة شعراء الحجاز فهي عاده لا يتركونها وقال ان ابو مشعاب خبير بها وجهة نظر تبقى |
ابن جفشان انا متاكد انك ماتعرف شيء عن شعراء الحجاز مع احترامي لك او يمكن تعتبر الشاعر الي يسب الناس بشكل مكشوف شاعر محترف او يمكن تعتبر الشاعر الي يرد بسرعه حتى لو كان رده مفكك وغير محكوم تعتبره شاعر انا مادري وش مقياسك للشعر
بختصار لا عبدالله بن شايق ولا المسردي يعتبرون من اعلام الشعر شعراء عادين جدا الله يرحهم المسردي ويعطي ابن شايق العافيه تأكد تماما شاعر مايلعب في الحجاز ومع شعراء الحجاز هذا شاعر يعتبر سطحي ولا يجيد علم الفتل والتقض يجيد فقط السب والشعر الاقرب للسوالف والهرج السطحي والمهايط الفاضي عبدالله بن شايق شاعر بس ينقصه الكثير من فنون المحاوره الاصليه ونصحيه لاتضحك على نفسك ولا يضحك عليك احد في موضوع حفلة السامر والله لاحبيب درا عن ابن شايق ولا ابن شايق درا عن حبيب وذيك المحاوره بالذات كان حبيب اقوى بكثير من ابن شايق بس انتم تنفخونه على الفاضي وابن شايق قبل وجود قناة الساحه روح اسأل عنه في الحجاز قولهم تعرفون ابن شايق ولا لا ؟؟ طبعا لو سمعوا شعره مع احترمي لك وله ماحد راح يعزمه لانه شاعر قالبها سوالف وماعنده غير حنا قحطان وحنا مدري ايش وحنا وحنا الشاعر الي هذا كلامه اغسل يدك تقبل الحقيقه بصدر وسيع ابن جشفان |
المتابع لمحاورات الشيخي يجده شاعر بماتعنيه الكلمه ولايدخل في مهاترات وهذا ماجعل له قاعده جماهيريه كبيره وجعله محبوب من جميع الشعراء -- اتمنى ان يحذوا جميع الشعراء الشباب حذوه ويبتعدون عن اسلوب الذبح والسلخ والطبخ والتي سئمها الجمهور ===لكم فائق الاحترام
|
| الساعة الآن »04:20 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd