|
عاجل : إلى خالد العتيبي " افعلها ولن تندم "
السلام عليكم ورحمة الله وبركاته
اتمنى ان تصل رسالتي لشاعرنا الكبير خالد محمد العتيبي شاعرنا العلم خالد العتيبي على راسي والله ورفعت رؤسنا بمشاركتك في هذا البرنامج وبقصيدتك المنبريه في مدح خير من وطأت على الارض قدماه وهذه بحد ذاتها مفخره لنا وبتزيدنا فخر وتشريف اذا انسحبت من هذا البرنامج الإستغلالي الفاشل .. ويعلم الله انك اكبر من هذا البرنامج وافضل الشعراء الموجودين واقسم لك بالله لو البرنامج يحسب التصويت لحط كل ماوراي ودوني وماهي خساره فيك ولا على عيال العم المشاركين ولاكن اصبحنا مقيدين لا تصويتنا يوصل ولا اللجنه معطيتكم حقكم .. وما وضعوك في مجموعة فيها الشبرمي الا وتيقنت من تأهل الشبرمي .. خالد ارجوك اعلن انسحابك فوراً الإنسحاب خير من الخروج .. |
ونا معك في هذا الرأي
|
منصور ابن فهيد
والله يا ابن العم اذا طلع خالد العتيبي بيقولون خايف من الشبرمي والي معه واذا قعد طلعوه بفعل فاعل وحنا بين نارين مير والله ما نرضى للعتيبي غليبه |
والله يابن فهيد الوضع كل فتره وفتره يصير فيه توتر شديد .. .. وحقيقه اعصابنا بدأت تشتد والله يستر منهم .. .. |
اوفقك الراي
حاطين الشبرمي مطب واضح شاعرنا خالد الدعجاني |
وعليكم السلام ورحمة الله وبركاته
يعطيك العافيه اخوي على الموضوع لكن انا بخالفـك الرآي اول شي شاعرنا خالد العتيبي ماشترك في برنامج عشان ينسحب وحنا نعرف رد خالد والاعتراض على الانسحاب من البرنامج وهذي مهيب عادة خالد العتيبي ولاهي بعاده الرياجيل مجرد انه اشترك بيكمــل في البرنــامج لين يطلع او ياخذ البيرق وهذا اللي نتمناه لشاعرنا وبعدين عن التميمي او غيره خالد قادر على منافسة التميمي وغيره وحنا شفنا اليوم كيف المنافسه صارت وكيف عيضه اخذ نسبة من اللجنة اعلى من خلف المشعان مع العلم ان المشعان من الشعراء المعروفين والمنافسين لكن كلن اخذ حقــه ومجرد اشتراك خالد بالبرنامج حنا بنصوت له بقدر المستطاع اما من ناحيتك انت ماراح تصوت لخالد فهذا شي راجع لك واسمحووولي على الاطــالة |
يا الربع انتم علامكم خايفين
من الشبرمي والله العظيم ان خالد احسن منه وأجزل منه الشبرمي ما عنده الا شيلاته توكلوا على الله وان شاء الله خالد بيتاهل خلوكم متفائلين |
والله العضيم ان المسابقه من منفذها لأخر عضو في اللجنه انهم مهزله
نطالب خالد الدعجاني بأعلان انسحابه من شاعر المليون بعد القاء قصيدته ياخالد ياسر التويجري ماهوب اطيب منك ولا هو واصل مواصيلك اعلن انسحابك اعلن انسحابك اعلن انسحابك واذا الدعوه مليون يقومون عيال عمك ويقطون وانا من ضمنهم لابوه مليون يتزل قامتي ويلعنه مليون ولجنته مخيسه امثال بدر صفوق والمريخي والعميمي مقدم برامج دنيه سابقاً تكفى ياولد العم انسحبببببببببببببب تكفى ترى تكفى تهز الرجال |
اقتباس:
البرنامج مرتب من البدايه والتصويت فقط كسب مادي .. فلا تعتقد ان صوتك سوف يصل .. وبالعكس انسحاب خالد افضل من خروجه واللي راح يعتبرونها البعض هزيمه اقتباس:
التصويت وانا اخوك لو ينفع ماقصرنا بس انت شايف الوضع |
تكلمو بالمنطق خالد تجاوز المرحلة الاولى وبعدين ينسحب .
وبعدين خالد ما همة المليون في المرحلة الاولى احد رجال الاعمال من قبيلة عتيبة عرض على خالد مبلغ مليون ريال وينسحب ورفض خالد المليوووون . خالد عندة رسالة ويبي يوصلها للجمهور |
اقتباس:
وكفايه خلاص مانبي نصير مغفلين اكثر من اللازم .. |
اقتباس:
انت تتكلم على اساس فيه مصداقيه ونا أخوك وعارفين ان الشبرمي ماعنده ماعند جدتي لكن من اللي يحكم هنا الحلقة المفقودة |
محب الهيلا
يا ابن العم انا اراهن من الحين حتى الاسبوع الجأي واذا ما تأهل خالد لك الي تبيه لأني واثق من شعره أول شيء وثاني شيء وراه جمهوره ومهوب مخليه |
أضم صوتي لصوتك
لو في البرنامج مصداقية كان نقول خالد كفو وبينافس ويجيبه بعون الله لكن البرنامج خالي من المصداقية تماماً لذلك الانسحاب أفضل تدري ليش ؟ لأن التصويت ماراح يأهله حتى لو كل السعودية صوتت له الشبرمي متأهل مافيها طقت عصا |
اقتباس:
لكن ياخوي هل فيه مصداقية في البرنامج هنا السؤال البرنامج مخطط له من الأول |
الشبرمي ماله اي قيمه من ناحية قوة الجزاله في الشعر .. .. ولكن الشبرمي والله العالم محسوب عليهم وغير هذا انه مدعوم من امراء قطر ... .. |
اقتباس:
اجل انت تقوله ؟؟ اتطمن وارقد؟؟؟ |
محب الهيلا
أرقد واحلام سعيده والواعد الثلاثاء بعد الجأي |
ياخوي خالد ماشارك عشان فلوس ولافكر بهذا الشي
واستغرب من اللي يقول نبي نقط له ماهو محتاج فلوسك وفلوس غيرك ولاشارك عشان يدور فلوس يبغا يوصل رسائله الشعريه اما عن الشعر فـخــالد ماله منافس لا الشبرمي ولاغيره والشبرمي ماعندك احد مستواه الشعري لايتقارن بخالد وشفنا كيف ماهله الا الشلات اما القصيدة ماعندك احد وهالرحله هذي مافيه لاشلات ولاغيره يعني شعره اللي بينفعه واقولها لكم الف مره (( خالد ماراح ينسحــب اللي بيدعمــه مايقصــر واللي مايبغا يدعمه لايطلب من خالد الانسحاب ولا يحرض غيره على عدم مساندة خالد)) وسكرو الموضوع .... |
اقتباس:
وانا معك في هالشيء |
حنا داعمينه من ورى الخشوم غصب بدون رضى بس
منصور قفل وانا اخوك الموضوع ماحولك احد |
اي والله ياليت ينسحب
|
والله ان التصويت انه مثل الميسر مابين ان تغنم او تغرم .. مثلا ً الرساله بخمسة او ستة ريالات وكم بيرسل الواحد من رساله يعني كل الخساير اللي بالملايين ماراح ترجع لو مافاز خالد العتيبي ونشوى رجل على رجل وحنا نبغى زياده اكثر من خمسه بالميه وتخفيظ اسعار السلع لا مفروض ماتحقق هالمطالب الا بعد مانترك هالخزعبلات جانبااا ً والزياده ماراح تجي وتخفيظ الاسعار ماراح يتم الا ان كل واحد حافظ على فلوسه وعرف قيمتها وذبحه الفقر وراح ترتفع الاسعار وتغلى المعيشه الى ان نتوقف عن مثل هذا الميسر والقبيله يشهد لها تاريخها العريق وانكتب وانتهى مااحد راح يزيد شي ابدا ً من خلال شاعر المليون ... نسيت شيئ : فيه اسماء تكتب على انها مثلا المطيري او العتيبي وهذولا تراهم مجنسين الامارات ومخلفاتها الايرانيين والباكستانيين وابو يمن والزيود وهاتك يارفع وكبس وحنا عتيبه والبيرق لنا وحنا مطير والبيرق لنا وحرب وقحطان وهلما جرا ً وهم مرتزقه كل واحد معطينه خمسين اريال وتكويك فينا ياعيال القبايل .. يالربع النعمه زواله والله زواله وفلوسنا عيالنا ومستقبلهم اولا بها ماهو نشوى وخلف المزروعي ومجنسين الامارات .. اتمنى اني ماجرحت احد ابدا ً والف تحيه لك ياقايد السرب ياصديقي العزيز القديم واتمنى انك تذكرني .. |
اتمنى ينسحب خالد والعتبان المشاركين في البرنامج
وقبيلة العتبان مارايح تصوت ولن تصوت في هالبرنامج التافه عذرا ياخالد عذرا يالمحيا عذرا يالسميري ياناس فيقوا من غفلتكم البرنامج مخط له من قبل |
اقتباس:
|
هلا منصور
تحليلك قد يكون صحيح لكن اللي أراه أننا نبذل الاسباب والعلم عند الله دام رفيقنا موجود فالبرنامج فمن الواجب علينا ان نكون معه ونسانده والشبرمي صح ملاحظين ميول اللجنة له لكن مسألة أنه نتخلى عن خالد عشان الشبرمي او تكهنات من عندنا اعتقد لا يجب ذلك اعذرني يالغالي لكن احببت ان اشارك والمسألة كلها وجهات النظر والعلم عند الله تحياتي |
نايف عريب الجد هولالالالالالالالالالالالالالالالالالا وغلااااا ورحبوووووووو ياصديقي وشلونك عساك بخير ياذيبان
كلامك درر بس تعلم من ومنهو الي يفهم ماحولك احد يعني مافي الحمض احد وكذا ولا كذا البيرق للمره الثانيه راح يكون قطري ===> الشبرمي تميمي وحمد السعيد تميمي يعني حلوها ياعتابه |
هلا والله ياقايد السرب الله يالذكريات والله انك على بالي لكن الظروف احيانا ً والدعوا كلها سهالات بيرق وخرابيط انا اجيب بيرق واكتب عليه شاعر الوطن العربي واللي يبيه يدق علي واعطيه اياه ....... |
اقتباس:
يعني البيرق ممكن يكون مطيري بعد ..... وهو الاقرب على هالتحليل لان الاثنين سعودين ....... فالبيرق سعودي مطيري الشاعر خالد شاعر كبير وأنا ضد أنسحابه لاي سبب يفعل الي عليه والباقي عند الله ....... |
ياشباب صدقوني حضور خالد وقوة شعره وجزالته سوف تجبر الكل ليس اللجنه فقط وانما متذوقين الشعر في كل مكان ونحن نريد الاستمتاع بقصائد خالد وان شالله انه ياخذ حقه في هذا البرنامج أما قضية الانسحاب فهي متروكه لخالد أولا وأخيرا ولن يضره أي شي إذا بقي في البرنامج لأن جماهيرية ومتذوقي الشعر هم من يحكم على ذلك وبالتوفيق له |
الله يوفق خالد والباقين ان شاء الله..
ولو التصويت يبا ياصل والله ماياخذ المليون غير عتيبي.. |
ان اعطانى الله عمر لأصوت لخالد لين ارضى حميتي لقبليتى...
نايف عريب الجد و قايد السرب الله يقطع بليسكم عز الله انكم ضحكتونى وانا من البارح وانا زعلان على طلعت الحويمانى... |
السلام عليكم ورحمة الله وبركاته صباح الخير أقول لكم خالد شاعر وان سحب نفسه غلطان في هذا الوقت أنا طلبت أن ينسحب من الأول لكن مصار والاان أنا أحب يكون موجود وبقوه انتم شفتم الشبر مي ولا شفتم حيدر أجزل من الشبر مي وبعدين الجنة هنا ألان في مطب اكبر من سابقه والجميع على التصويت واعتقد هنا يبين الرمح من رماية خالد ألان لا يتحمل شي وانتم الذين تقع عليكم المسئولية لهيلا فرد فرد هنا القوة لا بارك الله في الضعف ولمذله |
أنا من رأيي أن ينسحب جميع شعراء عتيبه المشاركين في البرنامج لعدم المصداقيه لأن البرنامج أنكشفت ألاعيبه . لذا نتمنى الأنسحاب الجماعي ............ |
اقتباس:
وحنا معه بالتصويت وكل شي يبيه والحويماني وحرام بالله انه رفع روسنا ماشاء الله عليه ادب واخلااق تأهل في قلوبنا وخل برنامجهم لهم وتبون الصراحه والله انه احسن يوم ماتأهل تدرون ليه عشان مانتشتت لانهم ناوينها لو تاهل الحويماني هي اربع حلقات اول وحده مافيها ولا عتيبي الثانيه فيها خالد العتيبي لحاله والحلقه اللي بتجي ان شاء الله المحيا واللي بعدها السميري ان شاء الله عسا مايحطونهم مع بعض والميدان ياحميدان والوعد قادااااااااام وارقى سنود يابو عتب قدام قدام يالعتبان |
مشكووووووووووور وعلى الموضوع الرائع
1 1 1 1 لاهنت |
سيتأهل الشبرمي الأول من التصويت للمرحلة الأخيره
ثم سيتأهل خالد ببطاقة فرصه ومن البطاقه يصل للمرحلة الأخيره واشهدو على ماقلت |
خالد شاعر كبير و لا عليه خوف إن شا الله
|
الشبرمي شاعر جزل وخالد شاعر جزل
وبعدين مركزين على الشبرمي ومركزين على خالد ؟؟ مهدي الوايلي ؟ وثنيان الرشيدي؟ كلهم شعار كبار وانا اتوقع مراح يتأ هل غير مهدي ال حيدر |
يالربع انتم علامكم الحين لو خالد يقرا هالكلام وش يقول الحين بدل
ماترفعون معنوياته تهبطونها وتقولون انسحب ومدري كيف هذي ماهي هرجه خلاص دامه شارك يكمل الين يفوز ولايخسر وبعدين لو تحيزوا ضده الناس تعرف الشعر وتعرف كل شيء لكن لو انسحب يبي يقولون خايف وبعدين الشبرمي جزل وال حيدر اجزل منه لكن خالد راح يكون الافضل واذكركم اذا ماكسر المسرح ووراهم الشعر على اصوله ونبغى نصوت له الين ندوووووووخ ومتذوقي الشعر وجمهور خالد من خارج القبيله كثير وماراح يخسر انشاءالله هو معروف على مستوى الخليج مهو مثل شعار عتيبه الباقين جدد واتركوا الهرج وصوتوا زين وادعموا دعم عليه الكلام وشوفوا يوم يفوز |
| الساعة الآن »12:37 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd