البخل طبع مستحيلٍ علاجه = والجود طب لكل الامراض وعلاج .
جيت الرفيق اللي بشوش حجاجه = اللي بحزات الرخى مثل هداج .
ولاّ بوقت الضيق مثل الخواجه = سلم العرب عنده خرابيط وازعاج .
قال العلوم وقلت طلاب حاجه = حاجة يسر ماهي تكاليف واحراج .
إن كلفت يكفي العذر والمواجه = وإن جات من يسر صاحبك محتاج .
واومى براسه مثل راس الدجاجه = وهز المتون وراح وجهه كما الصاج .
واقفيت من عنده مطفي سراجه = لي غايةٍ ماعطيتها كل هراج .
عرض العلوم لغير اهلها سماجه = والصاحب الطيب له الدرب ينعاج .
كل ازمةٍ ياتي بعدها انفراجه = ياليت كل اصحابنا مثل سهاج .
الصاحب اللي ماتعكر مزاجه = ولا حط له كثر المعاذير منهاج .
ولاّ الردي صيده يضيع بعجاجه = ماتسبقه في سرعة الروغ ميراج .

المشاركة الأصلية كتبت بواسطة ابو فايح (المشاركة 550991) ابو جميل ودك تكتب القصيده كماهي بدون اي تعريف بها وا بشاعرها لانه غني عن التعريف وفحل وهرم من اهرام الشعر لاهنت اخي ابو مشعاب على النقل الرائع.

المشاركة الأصلية كتبت بواسطة عبدالعزيز2007 (المشاركة 556107) صح لسان الشاعر رشيد الزلامي وتشكر على نقل القصيدة