الليلة الليلة نبي شاعر من الوزن الثقيل = اما عبر شط البحر ولا غرق وسط البحور

وليا غرق وسط البحر عنة النواخذ ماتشيل =كم شارب ٍ غرقان في غب البحور من العصور

الليله نحقق لك اللي تطلبه والمستحيل=ونشوف وش صار وحصل وشلون عجتكم تثور
اللي غرق وسط البحر بين العرب جاله بديل=واللي يطيح من الرجال اقول يارجل معثور

حييت يالسارح ولابعد المسارح من مقيل= شد الحزام وربطة قدام تاكلك النسور.
العام في صنعا اليمن شافولهم حصني وفيل = لكن انا ماشفت شيٍ ينذكر وسط السطور.

مافيه شيٍ يستحق الربط يافلان الزميل=من بندق الرامي رصاصه ترعب كبار الطيور
وصفك ياراع الوصف نادر مالقيناله مثل=وماينكتب قالسطر غير الفعل لطوال الشبور

انشدك يالسارح من ايات العرب واية فصيل=عايش مع وحوش الفلا ولاتذرا بالقصور
جدي موصيني وعمي مارد العد الهزيل= الي شرابة مايبل الحلق ويمل القدور

عتيبه الهيلا بني عمي مزبنة الدخيل=اللي لهم يوم المواقف ياوسيع العرف دور
جدك من اي القوم يومنه يوصي يالعميل=ووصاته اللي قالها لايدخلك منها غرور

اعتيبة الهيلا تذرا في ذراها ياجميل= الشجرة الي ماتظلل قصها حتى الجذور.
جدي من الي لايهس ولايزل ولايميل= مشهور في وقت العرب يوم المجاعة والدهور

ايبالله اني في ذراها لو تقول ولو تقيل=الحين في وقت الرخا والعام في وقت السبور
اجمل صفاته قلتها لكنّ ماجبت الدليل=مدري حيا والا جهل والا عدم حب الظهور

يسقيك همال المطر ويجيك وبل ٍ معة سيل =يخضر نوارة وريح العطر بطراف الزهور
الديرة الي مايعيش ابها الضعيف مع الذليل= يم الغبيا ديرتي قبل الشرافا والعمور.

دعوتك جاتك ياعميلي واعتبرها لك سبيل=يالصاحب اللي فوق نفسك من هواجيسك تدور
والنعم في سمعة بني عمك هل الشبر الطويل=الديره اللي ماسكنها الا الحرار من الصقور

مدري عرفت الدار ولاغاديٍ في وقت ليل= اوضح لي البرهان واطلع ماتكن ابة السدور.
لاني من المطران وياحرب وسبيع وهذيل= ولاني من الدوسر ولاقحطان مافيهم قصور.

مدحت صاحبنا ووصلته على العالي سهيل=والظاهر ان المدح روّع صاحبي بس معذور
والنعم في كل القبايل عد همال المخيل=يقولها الروقي واضن الطيب ماهوب محكور

ياعنك ماروعتني لو كان تصهلي صهيل= الكلمة الي قلتها تحسب عليك من الحظور.
ربعي تسما الروم يوم ٍ المغازي فوق خيل= مضرابها بالشلف مايخط الجماجم والنحور

الاسم يارجال مجهولٍ ولو انه جميل=والكلمه اللي قلتها فيها من ارياح البخور
افصح عن المجهول يالرومي ترا ماهو مهيل=وابا انتظر منك الجواب الى الفجر بعد السحور