يابدرياللـي فالعلالـي مبـاديـك =لاواهنيـك كـل غالـي تشـوفـه
تشوف منهو بالوصايف يحاليـك =بدر{ن}وصوفك نابعةمـن وصوفـه
تعطيه من شلال نورك ويعطيـك =حتى حروف اسمك تشابه حروفـه
الله عليك الله مااحلـى مساريـك= الكون كلّـه فـي دقايـق تحوفـه
خذني معك يابـدر ودي أماشيـك= وارقى على متن السحاب وكتوفـه
يليقلي يابـدر اصاحـب معاليـك =واجني عناقيد الشرف من قطوفـه
ويليقلي حتى السكن في علاليـك= وأكيـد مايلحقـك لـوم وكلـوفـة
وإنكان مـاودّك خـويٍّ يخاويـك =هذا جواب مظرف{ن}فـي ظروفـه
ودّه لخلٍ فـي بهـاك ويشاديـك =واسأل عن اوضاعه وجملة ظروفه
قلّه ترىالأشواق تعصف ب غاليك =مغرم صبابـة كـل نسمـة تلوفـه
قلبه تصدّع من جفـاك وتغليـك =واستوطن الهـم المكثـف رفوفـه
يحن قلبـه كلمـا حـلّ طاريـك =شوفك بخير اغلى منـاه وشفوفـه
اسمع وصاتي يابدر يوم اوصّيّـك= خلّـي وصوفـه بينـه ومعروفـه
ماقلتلك يشبهك وايضـاً يحاليـك= حتى حروف اسمك تشابه حروفـه

المشاركة الأصلية كتبت بواسطة مرزوق حمدان العتيبي (المشاركة 545893) .. . اسمع وصاتي يابدر يوم اوصّيّـك خلّـي وصوفـه بينـه ومعروفـه ماقلتلك يشبهك وايضـاً يحاليـك حتى حروف اسمك تشابه حروفه لله درك و صح لسانك يامبدع ....

المشاركة الأصلية كتبت بواسطة عبدالله بن دبيس العتيبي (المشاركة 545908) بسم الله الرحمن الرحيم السلام عليكم ورحمة الله وبركاتة حياك الله ياخوي هلال وقصيدة اكثر من رائعة صح السانك على المشاعر الرائعة خذني معك يابـدر ودي أماشيـك #وارقى على متن السحاب وكتوفه اعذرني ياخوي بس الرجاء مراجعة الشطر الثاني مره اخرى صح السانك وننتظر منك المزيد وتقبل تحياتي

المشاركة الأصلية كتبت بواسطة الذيبان (المشاركة 546011) يعطيكـ العافية وجهك ابيض.........

المشاركة الأصلية كتبت بواسطة هـايـل الـعـتـيـبـي (المشاركة 546018) اخوي هلال العتيبي صح لسانك واشكرك على القصيده التي تعبر عن نفسها وهي تدل على شاعريه قائلها اسال الله لك التوفيق والى الامام

المشاركة الأصلية كتبت بواسطة شامان الاسعدي (المشاركة 546075) هلال العتيبي صح السانك جزله من راس جزل سجل إعجابي وتقبل مروري

المشاركة الأصلية كتبت بواسطة فيصل المسعودي (المشاركة 546530) إبداع ياهلال صح لسانك على هالقصيدة الرائعة تحيات أخوك فيصل النفيعي