سلام ياناصر الليله نباها تدور=على المعاني نزينها ونلعب هنا
من يوم شفتك ياناصر جالس مع الحظور=قلت اجتمعنا ثلاثه حرف وانته وانا

يامرحبا ياهلا وعداد ماشع نور=بالصاحب اللي على المعنى شعاعه سنا
ترى اقتباس المعارف من وساع الصدور=ابرك من أهل الدنس ياجعلهم للفنا

دام البقا وانت شاعر ماتحب الظهور=سبحان ربٍ عطاك من التواضع غِنا
البارحه ليش خربت العشا فالقدور=وراك زودت غليه ياعريب الجنا

نعرف عيال البطن نعرف عيال الظهور=سلعه تجيب الفقر سلعه تجيب الغنا
لأني ماعينت لي فالعسر رجلٍ قدور=ماجيت جاني هو اللي فوق رأسه جنا

الله يحل الحجاب ولايحل السفور=والناس تفهم غلط ياجعلهم للفنا
ترا الحمامه ماهي قد الصقر والنسور=ورويسها ماعتقد يصبر لضرب القنا

ضيعت بين الورود ولا عرفت الصدور=بنيت مار انهدم هدمت عود بنا
الله يعز القوي اللي قويٍ صبور=واللي يحصل عشا بالعافيه والهنا

اشوف صوته ياناصر يوم جاكم جهور=عوّد وفيه العنا عوّد وفيه العنا
خليت بعض العرب يطلب مرور وعبور=رمحه بقلبه طنا رمحه بقلبه طنا

هذا سوات الجنازه مالها ألا القبور=حرام ماهمنا حرام ماهمنا
ماني بظالم بشر ماني بشهاد زور=والنار من زندنا والنار من زندنا

المشكله كان ميت وامتلا بالغرور=وان قلت ابا ادفنك قال ابعد ولا ودنا
انا ادري انك صدوق وكلمتك ماتبور=والنار لأهل الغنا والنار لأهل الغنا

ياسارح البال يومنك تحل الامور=تغريب عامٍ عقاب الزاني أليا زنا
لطارت طيور شلوى طرت ضمن الطيور=ما طار قدامنا يقعد ترى خلفنا

الحكم عند الله الخلاق يوم النشور=ماهوب عندي ولا عندك ولا حولنا
تصبح على خير ياناصر وتلقا سرور=في ليلتن بعض خلق الله كره سيفنا