|
المتسابق المتأهل اليمني عامر عمر أخ المقدم والمعد عارف عمر .. غش وتدليس ..!!!
بدون مقدمات شاهدنا حلقة امس المليئه بالمجامله والكذب ... المتسابق اليميني قصيدته عاديه وهناك افضل منها بكثير .. بالاضافه الى انه يرفع صوته على اللجنه ( ينافخ ) وأخذوا يعلقون على قصيدته وكأنها معلقة زهير بن ابي سلمى ووقت هائل ذهب بذكر الجماليات اللي والله ماادري وينها بالقصيده وفوق ذلك تأهل لااحاله الى تصويت ولااستبعاد ... واضح الكذب والتزوير والمجامله .. أجل المضيق له يد ... كثير من التضارب بالقصيده وطيروها بالعجه وهي لاتستحق .. اللجنه غشوا انفسهم بهذه المجامله لعارف عمر المقدم والذي دائما ً ماكانوا يطلقون عليبه الجندي المجهول وفعلا ً الجندي المجهول وصاهم على اخوه وطبقوا وصاته , وهي بلاشك اثبتت ان البرنامج لوئد الشعر بعد هذه الواسطه الواضحه .. تحياتي وتقديري .. بدرعيد .. |
مع إحترامي لرأيك يابدر إلا أن قصيدة اليمني من أفضل 3قصائد في الحلقه وتقبل تحياتي
|
اعتقد الشبه واحد واسم الجد واحد
|
مع احترامي لك
لكن من وجهة نظري قصيده جزله والقاء مميز |
اقول ترى والله مافي ولا قصيدة مثل قصيدة الحويماني قولوا مايعرف شعر قولوا متعصب لولد عمه قولوا اللي تقولون على قول نايف معلا الله يذكره بالخير و يكافي اللجنة اللي طلعته |
بدر اوافقك الراي وسؤال اوجهه لخوي فهد رشيد الزلامي اذكر لي ثلاث
القصايد الافضل في المسابقه ... ودمتم بخير اخوكم زيزوم |
وجهة نظر
القصائد الثلاث المميزه قصيدة أبو يمن والحويماني والمطيري ( هلال) وبعدين ودنا بالمصدر اللي يقول ان اليماني اخو عارف عمر!!!! |
الي مستغربه
ان هذا اليماني لاصوته يماني ولا الزي يماني ولا الشكل يماني غريب يعطيك العافيه على الطرح |
زيزوم سبقني عريدي المجمعه ولو أردنا إضافة قصيده فستكون قصيدة المنهالي وتقبل تحياتي
|
مشكووووووور اخوي الهبيري
وانا ايضا ارى ان قصيدة اليمني مستواها عادي واجمل القصايد اللي عجبتني حقت الحويماني والقحطاني |
راايي هي من اروع القصائد ... يعيب على الشاعر فقط انفعاله وصوته الجهوري المنفعل .. حيث ظننته حينما رد على المريخي ان الرجال بيهاوش ...
|
ياربع انا ابيكم تلاحظون ان جميع المشاركين من اليمن لهم وضع خاص وحتفاء من الجمهور غير طبيعي هم وقبايل همدان ويام واليمن وقحطان
هذا ملاحظ تركيبة دولة الإمرات اغلب سكانها من اصول يمنيه الأغلب المذيعه دارين يمانيه وهذا عارف عمر يقولون اخو عامر عمر وحتى تلك الليله مستضيفين شاعر يماني انتم فقط لاحظوا هذا الترحيب قبل وبعد لكل شاعر يماني او من خرج من رحم اليمن |
الشكر كل الشكر لمن سبق وعلق .. يبدوا ان البعض اخذ يقيم القصائد وخرج عن ماكنت اقصد ه او لم يفهمه ... لكن كل التعليقات كانت فيها انفاس عصبيه قصيدة الشاعر محمد الحويماني عاديه جدا ً أما القحطاني فقصيدته جميله نوعا ً ما وقصيدة هلال المطيري عاديه جدا ً واليمني والله انه مع جنبها وكل متابع للشعر يعلم ذلك فهي أخذت حجم أكبر من حجمها جدا ً وعلقوا عليها لجنة التحطيم بشكل واسع وكأنها من أفضل القصائد وهي لاتستحق .. بخلاف رد ابن عاصم اللي تحت .. اقتباس:
والله يبيض وجهك صراحه قلت ماكان ودي ان اقوله فاكثر الكادر ابو يمن والمسرح ابو يمن ونصف الشعب الاماراتي يمنيين مجنسين ومقيمين والشعر بجهه وهم بجهه .... تحياتي وتقديري .. بدرعيد .. |
مع احترامي لك القصيدة اكثر من رائعة
لا تأخذنا العنصرية الزائدة |
اقتباس:
بيض الله وجهك وكل الشكر و التقدير لك :) |
اقتباس:
الظاهر انت متعود تشوف اليمنيين كلهم عمالة وماسكين شاكوش:D يااستاذ هذا اليمني من قبيلة كبيرة همدانية تعيش في اليمن و السعودية و الخليج وأصلا بادية حضرموت و شمال اليمن مارب شبوه الوديعه الى حدود عمان ومثلث الربع الخالي هذه لهجتهم:) اقتباس:
وشيل العقال:cool: بس اهم شي رضاك ولاتعصب |
اقتباس:
اقتباس:
والله قوية تدري ليش ؟ لأنه أول مرة أسمع احد يقول ان اليمنيين في جهة و الشعر في جهة وش رايك تزور اليمن 3 أيام وتلقي نظرة عن قرب:rolleyes: |
السلام عليكم ورحمة الله وبركاتة
يالربع وش فيكم على عامر بن عمر اعتقد لا ذنب له في اللعبة التي وقعت وهو شاعر مبتدئ نتمنى له التوفيق واعتقد ان اللجنة انصفت الشعر باعطائه نسبه اقل من بندر بن محيا و بدر الخالدي بهذا يعود تأهل الشاعر عامر للتصويت وياليت ياخوان نحترم اخواننا مهما كانت طائفتهم واديانهم وجنسياتهم اخواننا في اليمن نفتخر بهم دائما وبخصوص الذين تتطرقوا الى الشاعر محمد الحويماني فانني اقول محمد الحويماني كما قلت من قبل ( محمد حمل بيارق قلوبنا وتفرد بها ) اتمنى التوفيق لشعراء المشاركين في البرنامج الذي سوف يضع حد لشهرته بسبب تصرفاته الطائشه ( اقصد البرنامج ) وتقبلوا تحياتي |
بن دبيس العتيبي والنعم فيك و في عتيبة كلها
شكرا لك على كلمتك العذبة وهي تاج يفتخر بها الجميع :) تعال يامندوب موسوعة جينس تعال ناظر كيف تحطيم لرقام البدر غطى على الليل الغلس وعامر شغل كل الوسائل والاعلام يامحلا البيرق بعرماء ينغرس مادام حمير وهمدان صارو له حزام رجال لاوقفو ابليس خاف وجلس ملوك في الجاهليه وفي عصر الاسلام ولا انت ياللي تحسب الشعر لعبة تنس ان ماتاهل خويك قلت مسكين منضام خمسه وتسعين غصبن عن وجيه الفلس لقيت من يحسده في شك واوهام مبروك ماخط القلم فوق الطرس وعقبالك المليون والوعد قدام منسوخه من ملك ظبياني |
كل يغني على ليلاه
انا أشجع الوايلي والله يشهد ماني بوايلي لكن الحق حق |
| الساعة الآن »05:32 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd