تعال يانايف هنا واحم المواقيف العضال = ولاّ ترى ياقرب راس الزند من خشم الفتيل
مال الحمول الكايده الا مظاهير الجمال = وانته جمل لكن هذا الليل لك حملٍ ثقيل

واصلك في وقت الطلب مال اللزوم الاالرجال=والليل توه يالسميري وش تحط وش تشيل
عان المخايل خيلت والبرق يبرق في الشمال=والناس تنظر للسما والسيل عيا لا يسيل

لن كان أبن عمك هنا لا تحسبن الكم مجال = أحفر لها وادفن لها في وسط واديها المهيل
أنته على درب المسيل السيل سال السيل سال = قد قالوا العربان حذرا السيل لو أنك مقيل !!

اليل,,اليل,,اليل,,اليل,,اليل,,اليل,,اليل,,اليل,,ال يل,,اليل,,اليل,

اليل,,اليل,,اليل,,اليل,,اليل,,اليل,,اليل,,اليل,,ال يل,,اليل,,اليل,

السوق بيع ومشترى لنكان عندك راس مال=هات العلوم الغاليه ياراعي المد الجزيل
جود حزامك واحتزم والليل يا ولد الحلال=تبا تبين الخاتمه والله على الدنيا وكيل

أبيع وأشري فيه قبل أنشوف رعيان الحلال = لكن هذا الوقت قام إيزاحمك خال الحصيل !!
محدٍ يشّد أبك الظهر أنته يشد أبك الحبال = أنا أحسبنك شاعر (ن) ماغررك البحر الطويل!

خلك على وضح النقا واثبت كما صم الجبال=احسب حسابك وانتبه للعلم يازبن الدخيل
منته بكامل يالسميري مار لله الكمال=ما ودنا يقرب شرار الزند من خشم الفتيل