أخواني الأعزاء أحضرت لكم رائعة جديدة للحر النداوي/ يوسف العصيمي

ان كان لـي وجهـة نظـر لاتـزال الآن=على حالها.... والحال ماينـدرى بعديـن
على اللي مـورد كلمـةٍ مالهـا برهـان=يقول السنيـن تعلـم الرجل..لكـن ويـن
لو ان السنين تعلـم وماهـوب غلطـان=اجل ليه اصدق ضحكة الناس الى ذا الحين
حكايات وامثال وقصايـد وهـرج لسـان=ماغير نتناقلهـا لاجـل نكسـر الروتيـن
ولاهي من السنّه ولاهـي مـن القـرآن=ولكنهـا مثـل الدراهـم لهـا وجهـيـن
مثل.. من يقول ان افة العالـم النسيـان=ومثل من يقول ان الجمايل سـواة الديـن
وانا في رقبتي ديـن عبـدالله وسلطـان=مقادم كتايـب جيشنـا فالنهـار الشيـن
سلاطين نجـد اعيـال مـن وحّدالشتـان=مجدي الجهام معـزي مطّـوع العاصيـن
حدود البلاد مـن الحديثـه ليـا نجـران=حكمها بشرع الله والسيـف ابـو حديـن
عموماًً مثل ماقالوا الهـرج لـه نيشـان=من البيت هـذا نقطه..وفاصـل وخطيـن
ليا صار يمديني على الما وانـا عطشـان=ابشرب واعيّن خير واجلس واسولف لين
ارد الخبر والكلمـه اللـي وعدهـا حـان=ابقولهـا واعلّـم اللـي ماهـم داريــن
لياصرت حلو لسان....ماني قليل احسـان=موفقنـي الله ومتجمـل مـن الصوبيـن
لأني وانا صادق علـي الحـرام ان كـان=تكلمـت فظهـور الاوادم وهـم مجفيـن
لكن لاذكرت اني مسلّـم علـى الرديـان=تمنيت ربـي لـو خلقنـي بـدون يديـن
ابقـول للـي ينطـح براسـه الجـدران=حسب مااتضحلي فيه وحده مـن الثنتيـن
او انه من الجدران متضايـق وزعـلان=او انه يبي يطلع لكن مـا يعـرف منيـن
ابتجاهله واسكت لو ان السكـوت احيـان=ضعف..وانهزاميه..وذله..وكسـرة عيـن
وانا لاسكتّ اسكت لأنـي وسيـع بطـان=ومتأكـد انـي لاضعـيّـف ولامسكـيـن
ابقـوم بحمـول الرفاقـه وانـا شقـران=يشيل ظهري حمل المجانيـن والصاحيـن
على شانهم والا انت ياممسح الريضـان=تبـي تتعـب حنـا علـى حالنـا باقيـن

المشاركة الأصلية كتبت بواسطة هـايـل الـعـتـيـبـي (المشاركة 538495) صح لسان الشاعر المخضرم يوسف على القصيده الطيبه والله يعطيك الصحه والعافيه يابن خيشوم على نقلها واشكرك كل الشكر على ذلك لاهنت وقواك الله والى الامام

المشاركة الأصلية كتبت بواسطة ناصر بن عبيد بن خيشوم (المشاركة 538493) أخواني الأعزاء أحضرت لكم رائعة جديدة للحر النداوي/ يوسف العصيمي لأني وانا صادق علـي الحـرام ان كـان=تكلمـت فظهـور الاوادم وهـم مجفيـن لكن لاذكرت اني مسلّـم علـى الرديـان=تمنيت ربـي لـو خلقنـي بـدون يديـن ابقـول للـي ينطـح براسـه الجـدران=حسب مااتضحلي فيه وحده مـن الثنتيـن او انه من الجدران متضايـق وزعـلان=او انه يبي يطلع لكن مـا يعـرف منيـن ابتجاهله واسكت لو ان السكـوت احيـان=ضعف..وانهزاميه..وذله..وكسـرة عيـن وانا لاسكتّ اسكت لأنـي وسيـع بطـان=ومتأكـد انـي لاضعـيّـف ولامسكـيـن ابقـوم بحمـول الرفاقـه وانـا شقـران=يشيل ظهري حمل المجانيـن والصاحيـن على شانهم والا انت ياممسح الريضـان=تبـي تتعـب حنـا علـى حالنـا باقيـن وتقبلـــوا تحياتي