وش يصير أذا صار أنسحاب جماعي لشعار عتيبه
 

السلام عليكم

أنا أتوقع يثبت فشل البرنامج ويضعف

وممكن من أنسحاب الشعار

يتم أستبدال اللجنه في السنه القادمه ويعملون الف حساب لشعار

عتيبه

وأنا من هذى المنتدى الشامخ أطالب شعار عتيبه بالانسحاب

وأطالب منتديات عتيبه بمطالبة الشعار بالانسحاب؟

والله ماقلة الكلام هذى الا محبتن في قبيلتي والظلم المتعمد
على شعار القبيله

بيض الله وجهك يابو مشعاب

هذى المطلوب

اكيد مليون بالميه

بتصير غربله عند ادارة البرنامج

وراح تستبدل اللجنه

أفك النشب

هذى الي حنا نبيه

نبغى كل منتديات عتيبه في الصفحه الرئيسيه

تطالب الشعار بالانسحاب

نبي وقفة رجال واحد وينسحبون الشعار وشف كيف تروح علوم الجنه

هذا مستحيل ...................

مافيه شي أسمه مستحيل

كل المنتديات تطالب بالانسحاب

وراح ينسحبون لرغبة أبناء القبيله

والله اذا انسحبو شعار عتيبه

لغيرون أسم البرنامج من شاعر المليون الى برنامج ماله داعي

والله لو ينسحبون شعار عتيبة انهم لينحاسون وياكلون هوى


لانها بتكون ضربه لهم


حنا قلنا هذا الكلام من يوم حطوا خالد للتصويت


لكن الله يهديهم مايسمعون

يالربع يازينها الأسبوع القادم

آخر شعار الهيلا


وكم أتمنا بأنه حينما يتم إعلان النتائج النهائية للشعراء

بأن يقوم بإستداعاء شعار الهيلا المشاركين ويعلنون

الإنسحاب الجماعي من البرنامج

لو ينسحبون شعار عتيبه كلهم

راح يخسر البرنامج ويفشل

تدرون ليش !!!!!!!!!!!!!!!!!!!

لأن الشعر ساااااااسه عتيبه

وحنا أهل الشعر

وأتمنى من الشعار يعلنون الإنسحاب

الجماعي الحلقه القادمه

أتمنى وأطالب منتدى عتيبه الهيلا

بمطالبة شعار عتيبه بالانسحاب

من خلال الصفحه الرئيسيه بالمنتدى

والله لو نقول من هنا الى ان يصبح الصبح انهم ماريحين


ينسحبون بس نتعب انفسنا بكثر الكلام

انتم تتكلمون من فراغ والله من الشروط اللي وقعوا

عليها ان اي واحد ينسحب يدفع كل ريال دفعوه عليه

يعني بالعربي سكنك بالفندق لمدة وقدرها عاد انت
احسب الليلة بكم وكم ليلة قعدوا وثانيا تدفع اكلك و
شربك اللي على حساب البرنامج واشياء كثير ولاتستبعد يدفعونهم ضريبة ظهورهم الاعلامي ولاحد
يقول الفلوس ماتهم ويهايط كل الشعار يقول ليش انسحب شهره وكسبت ولاخسرت شي ليش احط
علي فلوس من لاشي بعدين قبل هذا كله الدعوة

مهيب لعب ورعان انت داخل وعارف اللجنة عشان

مارشحوك تنسحب وتخرب عليهم الريجيل حاسبينها


وانا ادري ان اللجنة فاشله فاشله وهدفها الاول

كم بيجي البرنامج من التصويت.

ياجماعه لانضحك على نفسنا

حمد السعيد يقول لشبرمي أنا فيني حميه

والمريخي مع بني عمه

والدكتور ثور كلن يسوقه على كيفه

والعميمي مفروض على اللجنه لانه اماراتي

وصفوق عايش في جو ثاني ( جوه غير )


يعني النتائج معروفه وخالصين منها مثل ماصار في يوسف

يوم يحجبون الاصوات هذى الي راح يصير مع شعارنا

اذا ماانسحبو من البرنامج ننتضر وخلال شهرين

نسوي مقاطعه من خلال المنتديات من دعايه ضد البرنامج

ومقاطعة اي شاعر عتيبي سيدخل البرنامج واي شاعر عتيبي

يدخل البرنامج لن نصوتله ونمنع قصايده من المنتدى

وصدقوني جميع القبائل راح تسوي مثل ماسوينا

هذى البرنامج مادي

وأكثر ناس صوتو هم قبيلة عتيبه

وننضلم بعد

إذا طالبناهم بالإنسحاب سيعتبرون مستبعدين من المسابقة ويكملون المسابقة ولا كن شيء صار

لاتتعبون ماهم منسحبين تعبنا وحنا نقول هذا الكلام

ماحد سامعنا

صحيح يااخوان لابد من مقاطعة برنامج المليون مع المنتجات الدنماركيه

شاعر المليون

سبب حزازيات بين القبايل

وسبب كراهيه وولد الحقد

شاعر المليون

يجب أن نقلعه من جذوره

ولاراح يوقف البرنامج الا قبيلة عتيبه

بالمقاطعه

كــان النـزيه في البرنامج المسعودي ولكن استبعدوه.!

مايبون بينهم واحد نزيه

المطالبة بعدم المشاركة كانت قبل بدأ البرنامج .. وان يكون للقبيلة كلمتها بعدم المشاركة
لكن الشعار اللي شاركوا هالسنة خالفوا رغبة الاغلبية

الانسحاب صعب .. لكن من السهولة اننا نوقف التصويت .. ويكون علنا على جميع المنتديات

يالله شدوا الهمة ياخوان

صعوط المجانيين .. كلنا معك
الله يكثر من امثالك ..

اشكرك يالجذع علي وجهة نظرك وانا اضم صوتي لصوتك واقول خلهم يشتهرون والله يكثر شعاركم ياعتيبة

واحب اقول لجميع من يقول ويدعو للمقاطعه اقول وينك عن شعار عتيبة روح وجمع قصايدهم واكتبة في المنتدي كان فيك شدة علي شهرتهم اكثر من شاعر المليون

ولا شيء من هذا بيحصل البرنامج بيستمر وبتقل حصة بنت الرويني من الهبره

اقسم بالله انه لو ينسحب شعار عتيبه لتضيع علوم البرنامج ويروحون فيها اللجنة بس لا بد ان الانسحاب يكون فيه مبرر قوي مثل جعل الشاعر المبدع خالد العتيبي ضمن التصويت

أسعدني مروركم جميعا

ابو مشعل

هو فيه ظلم بعد ماانظلمو شعارنا

الاول خالد والحين السميري

والله يستر على الحويماني

لايظلمونه بعد