الليله اهل السيل خيّل عليهم سيل فالسيل=والسيل سيله سال وأنحى بسيله مع مسيله
يا كبر فرق الجيل وقتٍ مضى عن تالي الجيل=وقتٍ مضى ما عاد ينعاد راح و راح جيله

النشره الجويّه اتجيك من عقب التفاصيل=والسيل يالفالح ماشال الضلاعين الطويله!!
أنته نخبرك دايم اتقول اشوف الفرق بالحيل=لو تمشي امع شيوخ طشّيت شيخان القبيله!!

الغيث يا كبتن عتيبه ليا هلّ الهماليل=تحيا الجبال الميّته من هماليل المخيله
خمسه جمال أزرت تشيل وتقوم بحملة شعيل=وشعيل يشتال الحمول الخفيفه والثقيله

الله رحمنا بالمطر وأنت وش ناشك بذا الليل؟=الأوديه سالت وواد المحاني عزتي له!!
أهل المحاني ربعنا لا جمال ولا جماميل=ممشى نهار ..يكلّف اصحابنا عشرين ليله!!

الله مفصّلها على السيل فوق ثبيت تفصيل=رحمه من الله ما على الله حاجه مستحيله
ترى المحاني ديرةٍ تجمع ثقات الرياجيل=ياللي تحاول تعكس العلم مالك فيه حيله

أهل المحاني يسبرون المخيله بالدرابيل=قلنا اسغيثوا يابدو ..مالقوا صاحب فضيله!!
حنّا رجال السيف والرمح وأهل الهجن والخيل=وان مات منّا شيخ لابد مايطلع بديله!!

سقت لك فنجالٍ من البنّ و بهاره من الهيل=وتسوق لي فنجال وتبهّره بالزنجبيله
والنعم والله بالرجال الحلاحيل المشاكيل=والفين وحدعشر متى ننتظر يطلع مديله

والنعم والله بالرجال الحلاحيـل المشاكيـل =والفين وحدعشر متى ننتظر يطلع مديلـه

عزالله أنا مانعديك ياعلّي الفناجيل=فنجالك اللي جاك ماينجحد بنه وهيله!!
اللي معه شكّه وريبه بنجم الجدي وسهيل=لا يلتفت يم السماء..والسماء مايستويله!!

حنّا عرب يا صاحبي والعرب ما تقبل الميل=الليله انته فيك يا صاحبي شطحه وميله
إليا التفتنا في سماكم نشوف النجم ابو ذيل=والجدي وسهيل اليماني لمن يسري دليله

خفّف من السرعه شويّه ياسواق بالترنبيل=اليا صدمت الضلع مافيك يالفالح عقيله!!
مجنون ليلى مات وأنتم مجننكم مهابيل=كلاً يشق الثوب ويقول أنا مجنون ليله!!