كان الاشراف عجزوا عن حمايه رغد= يوم دار الزمان وراح برجالها
علموها تجي ولاتفكر في احد =في ذرى دوله التوحيد وابطالها
نوري المالكي لوقام والا قعد =ولوتحيزم باهل طهران وامثالها
من نجادي وبشار حافظ الاسد=جعله فداء رغد صدام وعيالها
بنت عود وقف بن القبر واللحد = ماتزلزل من الدنيا وزلزلها
يعربي علي حوض المنايا ورد =لين وقف قدم رجله علي جالها
يستثير البروق ويستفز الرعد = رافع الراس والدنيا علي حالها
كنه يقول هالدنيا مادامت لاحد= كود للي مثّبت الارض بجبالها

من هجوس سرى طاروقها ياسعد= وابتلتني وفال الله ولافالها
ما اقدر احصى لها بين الضمائر عدد= تختلف بين مقفاها ومقبالها
الجروح القديمه والجروح الجدد =صار تحت الضلوع العوج منزالها
حضرت ليله الميعاد ليله الاحد =ليله جات والهاجوس يبرالها
والسبب من بيوت سببت لي نكد = وذكرتني غثاء الايام واهوالها
هيضتني وانا ماكنت مهموم ابد =غير جعله يصح لسان من قالها
ابن وسام هيضني وحان الوعد =وشب نار القصيد وزود اشعالها
يوم غنا وانا غنيت مثله بعد =من هجوس بقلبي فاحت ادلالها
الليالي تدور وحبلها من مسد= ونفذت كل مايطري علي بالها
الزمن بار والكافر علينا حقد =وبنت صدام مماصار عزالها
يوم مال الزمان ويوم قل الجهد = ويوم راحت الاسود وراحت اشبالها
فقدت قائد في الحرب مايرتعد = مع عدي وقصي وفقد رجالها
ولاجيه من بعد هيبه صقور الهدد =وتحرى كتايب بوش تغتالها
واليهود ارسلوا ناس ورها طرد =يوم دار الزمان وبقيت لحالها
خايفين يجي بكره عليها ولد = وياخذ الثار للبصره وماجالها
والعراق استحلوها وكل شهد = والعرب محد منهم تعزولها
واصبح الشعب ماعنده زعيم وسند = وحاله الدار مماصار يرثالها
وهددونا ومن عاند وخان العهد = شنق في مشنقه صدام وحبالها
قصه يمكن تشيب بمن في المهد = ماجرت لامه الاسلام واجيالها
من يعوض العراق بفقده اللي فقد = ومن يناصر رغد ويناصر اطفالها
بشروها لياجت عندنا بالسعد = وتبشر بشجره ترتاح بظلالها
نحتميها من امريكا برمي الركد = وتحتميها سيوف القوم وسلالها
ولو لقينا كتائبهم بحزم جلد =صارت الرجل تاطا الروس بنعالها
في ذري دولتي وبلادي افضل بلد =دوله العود ابومتعب وحنالها
ليت صدام ذاك الوقت طاوع فهد=يوم بغداد مهره عند خيالها
يوم حذف القذائف مثل حذف البرد= وقبل غزوا الكويت وقبل مدخالها
غير هي غلطه المقرود يوم انقرد = ودوله الشيخ جابر ماله ومالها
جابر اللي بعد تحرير داره سجد = ثم دعا من يجازي الناس بعمالها
واحد رافع سبع بليا عمد= وقدرته مستحيل الناس تحتالها
جل شانه جليل الملك فرد صمد =هو معز البشر ومغير احولها

المشاركة الأصلية كتبت بواسطة عبدالرحمن الهيلوم (المشاركة 529399) مشكووووووووور يالغالي ابداع من سلطان الشعر ومن ابن الحباب 0 ولا هيب غريبه علي عوال الشايب تقبل مروري وفالك طيب يالغالي

المشاركة الأصلية كتبت بواسطة ناصر العصيمي (المشاركة 529402) اخي الكريم الحبابي بعد التحيه مشكور ويعطيك العافيه تقبل مروري يالغالي

المشاركة الأصلية كتبت بواسطة سطام روق (المشاركة 704137) علي الحبابي صح لسانك ولسان الشعار ويعطيك العافيه على النقل المميز تحيتي ..........

المشاركة الأصلية كتبت بواسطة /عبد العزيز الجذع/ (المشاركة 705868) صحت السنتهم.. ومشكووور يالحبابي على المجهود المميز. تحياتي لكـ

مشكووووووووور يالغالي


ابداع من سلطان الشعر ومن ابن الحباب 0 ولا هيب غريبه علي عوال الشايب

تقبل مروري وفالك طيب يالغالي

المشاركة الأصلية كتبت بواسطة ابن غزاي الخظري (المشاركة 868731) غير هي غلطه المقرود يوم انقـرد ودوله الشيخ جابر مالـه ومالهـا ودولة الشيخ جابر ماله ومالها هذا الحسد . جابر اللي بعد تحريـر داره سجـد ثم دعا من يجازي الناس بعمالهـا الله يرحم الشيخ جابر الاحمد والحمدلله على نعمة الامن والامان وسلامة الاوطان. صح السانه واعتلا شانه وبيض الله وجهك على النقل الكريم.

المشاركة الأصلية كتبت بواسطة سيف عنزه (المشاركة 868869) صح لسان الشاعر ويعطيك الله العافيه على النقل لاهنت اخوي

المشاركة الأصلية كتبت بواسطة محمد العتيبي (المشاركة 868910) مشكووووووووور يالغالي ابداع من سلطان الشعر ومن ابن الحباب 0 ولا هيب غريبه علي عوال الشايب تقبل مروري وفالك طيب يالغالي

المشاركة الأصلية كتبت بواسطة القلاع (المشاركة 1014384) الله يبيض وجه الهاجري والحبابي ويرحم صدام ويعين رغد