الهيـــــــــــــلا *** منتدى قبيلة عتيبة - –•(-• ( سـيـاســـتي ) •-)•

- قصائد الأعضاء (http://www.otaibah.net/m/forumdisplay.php?f=10)

- - –•(-• ( سـيـاســـتي ) •-)•– (http://www.otaibah.net/m/showthread.php?t=58354)

–•(-• ( سـيـاســـتي ) •-)•–

السلام عليكم ورحمة الله وبركاته
.
.
شعور متواضع أتمنى أن تتقبلوه

\

سياستي مع هاجسي (سستم) خطير=جاني كذا من فطرتي زي مـا أبـي
أن ضقت صافحت الورق إلين أطير=بالفكره اللـي باركـه عنـد ركبـي
وأدور أجمل بيت مقطـوع النظيـر=وأدونه من هاجسـي وسـط كتبـي
ما أجامل الباطـل بربـي مستجيـر=رضاه وحده شف راسـي ومطلبـي
الحب واقع بـس بغيـاب الضميـر=كلن يقول أشلون أعشـي مخلبـي
هذا يبي من ذيك مطلوبـن حقيـر=وهذيك منـه غيـر قربـه ماتبـي
لازم تحقق مطلبه من شان إيصيـر=حبيبها وفقربها .. خذهـا سبـي!!
حقيـر وده مثـل مـاوده تصيـر=الله يجازي اللي كـذا فـي كوكبـي
ياطول شره يوم به خيـرن قصيـر=وممشن معه ماهوب والله مكسبـي
والرجل ماتبغى سوا الدرب المنيـر=من شان أبقى شامخن في مرقبـي
ياحنجره لا تسرفيـن بـذا الهديـر=ويا لسان صمتك كنز يملاه ذهبـي
أن شفت نفسي نابغه صرت الأخير=وأنشاف بعيون البشر أكبـر غبـي
وأن قلت لا باقي على القمه كثيـر=وصلتها من دون ما أشعـر بتعبـي
وأنا ترى ماني ب(طرفه) أو (زهير)=لكـن أنـا نايـف وعبـدالله أبـي
من لابتـن دخيلهـا يبشـر بخيـر=الطيب فيهـم ينولـد ويـا الصبـي
ب(أعيش) مؤمن بالقضاء وبالمصير=وأموت ماجنبت عـن ديـن النبـي

وسلامتكم

وأنا ترى ماني ب(طرفه) أو (زهير)
لكـن أنـا نايـف وعبـدالله أبـي

من لابتـن دخيلهـا يبشـر بخيـر
الطيب فيهـم ينولـد ويـا الصبـي

لكن أنا نايف وعبدالله أبي !!

الله الله صح لسانك ..
حرفنة شاعر مسيطر على الفكره وقافها !!

تقبل أعجابي ..

ب(أعيش) مؤمن بالقضاء وبالمصير

((صح السانك يالغالي ابداع وجزاله ولا غرابه فانت من ملوك وسلاطين الشعر اعتيبة الهيلا هل العوجا

..

نايف ..

وأنا ترى ماني ب(طرفه) أو (زهير)
لكـن أنـا نايـف وعبـدالله أبـي

..

كفو والله .. يا نايف ..

قصيده جزله من جزل .. وفي انتظار جديدك بشغف :)

.
أخوك // العتيبي فيصل

مشكور وماقصرت

السميري

\

هلا بك يالذيب !!

صح بدنك ولاعدمناك

أخوكـ

مبدع يانايف..

لاشلت يمناك الي خطت المثايل الطيبه..

ننتظر جديدك بشغف..

خلف الدعجاني..

عبدالرحمن الهيلوم

:

صح بدنك يالقرم

لاخلا ولاعدم

أخوكـ

°ˆ~*¤®§(*§*)§®¤*~ˆ°مشكوور اخووي على القصيده

تستحق التعب°ˆ~*¤®§(*§*)§®¤*~ˆ°

عشت اخوووووووي

أبو نجر النفيعي

::

يا هلا بك والله يافيصل

أسعدني مرورك يالقرم

لاخلا ولاعدم

أخوكـ

محب الهيلا

:

ياهلا بك

أن شفت نفسي نابغه صرت الأخير
وأنشاف بعيون البشر أكبـر غبـي
وأن قلت لا باقي على القمه كثيـر
وصلتها من دون ما أشعـر بتعبـي

مبادىء وقناعات رآئعه

انت بالفعل يابو عبدالله معتلي فالقمه

وأنا ترى ماني ب(طرفه) أو (زهير)
لكـن أنـا نايـف وعبـدالله أبـي
من لابتـن دخيلهـا يبشـر بخيـر
الطيب فيهـم ينولـد ويـا الصبـي
ب(أعيش) مؤمن بالقضاء وبالمصير
وأموت ماجنبت عـن ديـن النبـي

ونعم

كفووو يالغالي

ننتظر جديدك يامبدع

محبك
,

صح لسانك يا نايف

ابداع

قصيده جزله من شا عر جزل

تحياتي