الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   خلووووووووهااا. (http://www.otaibah.net/m/showthread.php?t=57909)

ابو بندر 11-Jan-2008 10:12 PM
خلووووووووهااا.
 
بعد حضرو الشعار يطري لنا الطاري=يبا يركب الخيال وينفر الطاري
لو الجو فيه غيوم والمزن مطاري=عسى الله يديم الأمن في ارض السعوديه

ياشعار استعدوا جاكم الموال=مافيها عن هذا المحراف مجنابي
سلامي ياعتيبه طيبين الفال=ياربعي يادروع الجنب وأحبابي

سلمان الروقي 13-Jan-2008 11:48 PM
عساء خير ويش العلم يالشاعر الحاظر=ترى فالعلوم أقسام من محتوى الحاظر
في ماض الزمن ولا زمنا هذا الحاظر=عسى الله يديم الامن بارض السعوديه

0 0 0

هلابك يالمرحب ثم كيف الحال=عسى الاحوال زينه عند الاصحابي
توكلنا على الله عاالم الاحوال=وحنا من قبيله وحده مابيننا إغرابي

عيد العازمي 13-Jan-2008 11:52 PM
ابو بندر - سلمان


صحت السنتكم وطارووق يحتاااج صفوووووف من جد

ابو بندر 14-Jan-2008 11:55 PM
مع العازمي يالليل نمشي برى برى=لو الجرح توه باقي (ن)ما برى برى
وعلم الوفى والطيب دايم برى برى=عسى الله يديم لامن بارض السعوديه



يدوم الك البقى ياراعي الامثال=عدد وبل المطر لنصب صبابي
نبا المكسب يجينا قبل راس المال=وقاف البارحه موجود ما شابي

الله كريم 15-Jan-2008 12:33 AM
الا ياهل الموال جريت موالي -- ونا فلخلا الخالي لا صاحب ولا والي ---الا يالله المعبود يارب ياوالي---عسى الله يديم الامن بلارض الخليجيه


اهلا هلا ونته كريم اسبال--يالي بديت بقاف جذابي

لا قلت ياالهيلا يجيك اعيال--مار انتبه لا تطلع ارهابي

سلمان الروقي 15-Jan-2008 02:22 AM
ترى المسلم الموحد مايشرك معادينه=ولو قلو احبابه وكثرو معادينه
وابو دين مفاده تسلف معادينه=عسى الله يديم الامن بأرض السعوديه


ياراع الدلو قدمك عد ماءه ازلال=يبا يقطع ظما من جاءه شرابي
ترى بعض الدعاوي حلها فالحال=بلاشرهه وحرقة دم وعصابي

بندر الهيلا 15-Jan-2008 03:45 AM
ابو بنــدر --- سلمان الروقي

صحت ابدانكم
وقافكم حماسي
والصف حامي

ابو بندر 15-Jan-2008 12:09 PM
كريم السجايا والمعادن سما سما=سوات النجوم العاليه في سما سما
وراع الردى في الكبد دايم سما سما=عسى الله يديم الامن با رض السعوديه


انا مسمع طبول يدقها الطبال=وشب النار وحطبها يا حطابي
ترى بعض الحكي والله ما ينقال=وسوق البيع جاله كل جلابي

سلمان الروقي 15-Jan-2008 02:34 PM
نخايل خيال ٍ فالسحابه نشاءنشاء=من المزن كله خير حنا نشاءنشاء
لعل النفل بكره نشوفه نشاء نشاء=عسى الله يديم الامن بأرض السعوديه


دعاويكم تراها كلبوها جدال=ولاتحتاج سيف يقص الارقابي
يابوبندر ترى العقده لها حلال=وراجع في مكاتيبك ياكتابي

عبدالرحمن الهيلوم 15-Jan-2008 02:37 PM

ابداع من مبدعين الله يقويكم

وااااصلوا متاااااابعين

ابو بندر 15-Jan-2008 05:07 PM
لربي رجانا كل يوم لحاء لحاء=قبل ما يموت العود فوقه لحاء لحاء
يا قوم شواربهم تغطي لحاء لحاء=عسى الله يديم الامن لرض السعوديه


سنتنا كل شهر يهل فيه اهلال=ونا ما همني لو هب هبابي
نوفي يا العميل الوزن والمكيال=ولا يصعب علينا بعض الاصعابي

سلمان الروقي 15-Jan-2008 05:38 PM
ليا هبت العلياء وهبت صباء صباء=وشفت الولد عن سلم ربعه صباءصباء
ماتجدي دموع العين لوهي صباء صباء=عسى الله يديم الامن بأرض السعوديه



ترى ماكل واحد قيل له خيال=ولونه يفتل روس الاشنابي
جمالنا ماتشيل الحمل والاثقال=عليها ما يحسب كل حسابي

ابو بندر 16-Jan-2008 12:08 AM
سيوف العداله كم تطير جماجما = لون الضروس مثبته في جماجما
لكن اشرب الماء من عدود جماجما = عسى الله يديم الامن بارض السعوديه

انامحب اقلد وقفة التمثال = ولاني للعرب مادح وسبابي
عريب الجد والعم وعريب الخال = اله مني تحية شوق واعجابي

سلمان الروقي 16-Jan-2008 01:06 AM
كبود ٍ تعيش بخير وأخرى بحربحر=مايبرد حرقهٌـا لو تشرب بحربحر
وابو بندر اشوفه بعينه بحر بحر=عسى الله يديم الأمن بأرض السعوديه

كثير الناس فالدنياء عليها اظلال=هذا سلبي والاخر صاير إيجابي
ترى الدنياء عبر ودروس للعقال=على ماقيل اخذ من كل ماطابي

سلطان بن ثعلي 16-Jan-2008 01:15 AM
ابو بندر صح اللسانك

سلمان الروقي صح اللسانك

والليل الليل

ياشعار العبو شقر شقر

وانا في صف سلمان الروقي ولايهون ابو بندر

محمد العتيبي 16-Jan-2008 01:15 AM
ياسلام ياسلام
ابوبندر وسلمان الروقي
سلمتوا على الابداااع الرائع ..
واصلوا على الابداع ..
..

ابو بندر 16-Jan-2008 01:27 AM
يقولون سلمان العتيبي جلاجلا=وهمه بقلبه باقي(ن)ماجلاجلا
بعد جاته اسباعٍ تجلجل جلاجلا=عسى الله يديم الأمن بأرض السعوديه

ولا يالروقي اضنك خلف هذال=لاكن أقدم و مشاعبك ومشعابي
على ماقالوا اشوف الدهر ميال=نبى نطحنك بين الظرس والنابي

ابو بندر 16-Jan-2008 01:38 AM
الأخ سلطان بن ثعلي
صح الله بدنك وشكرا لمرورك


الأخ ابو مشعاب
الأبداع تواجدك وشكرا لمرورك

سلمان الروقي 16-Jan-2008 02:14 AM
يابو عقل فكر كان عندك فكر فكر=ترى الغزو فر وكر وانته ...فكر فكر
ترانا من الفكره نسوي فكر فكر=عسى الله يديم الأمن بأرض السعوديه
لاتسرع ثم تصدم لك بحيد اجبال=وتصبح فالسرير تون منصابي
علومك يالعتيبي كلبوها طوال=تطير مع الطيور أن هب هبابي

سلمان الروقي 16-Jan-2008 02:16 AM
العازمي لأهنت على المرور

سلطان بن ثعلي لأهنت ..لاعدمتك


ابومشعاب حياااااك على المرور



لأهنتو جميعآ

شاكر لكم المرور ..الاكثر من رائع

ابو بندر 16-Jan-2008 02:25 AM
لك الموت ياسلمان شكله دنا دنا=بعدماشبعت من الطرب والدنادنا
وانا ماأسمع النمام راع الدنا دنا=عسى الله يديم الأمن بأرض السعوديه
اباأغربل علوم الخصم بالغربال=على شان أعرف الظاهر من الغابي
علومي ماتطير إلا مع الأبطال=وتاصل لن نويت أديار الأجنابي

سلمان الروقي شاعر جزل ومبدع
استمتعت بالطاروق الجميل معك
تكون الخاتمه عندك وتصبح على خير.

سلمان الروقي 16-Jan-2008 03:38 AM
يامسرع ليا شفت المطبه فهد فهد=وإذاكنت ذيب ٍ فاعرف أني فهدفهد
عسى الله يرحمنا ويرحم فهد فهد=عسى الله يديم الامن بأرض السعوديه


نعرف الفال مايقفاه كود عقال=وهاذي دارجه في كل الاحزابي
يابوبندر نعرف انك كريم اسبال=لكن اليا كبرت .. زودت الانشابي

سلمان الروقي 16-Jan-2008 03:39 AM
تصبح على الف خير

صح السأأأنك

بندر الهيلا 16-Jan-2008 04:04 AM
ابو بندر صح لسانك ولاهنت جزل من جزل
سلمان الروقي عز الله انك فهد ولاهنت يالغالي


الساعة الآن »03:52 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd