صدقت يا محمّد وفيها يشهدون الحاضرين = الحق في وضح النقا ينقال والساري سرى
ما ودّنا غار الحقايق والحقايق وين وين = صاحبك من بنك الذهب ياخوك قد باع وشرى

قد قلتها لك مرّتين ومرّتين ومرّتين = هذاه طبعك وانت خابر يالحصين الازهرى!!
يا ربّ زيّنها على وضح النقا والزين زين = قدّام طعني يا رجل قدّام .. لاترجع ورى!!

خلاص هوّنها على وسق الثرى حتّى تبين = والا ترا بقرا علاك الزلزله وألم ترى!!
من دونها شلفا ذياب وضرب سود المارتين = وأن طعتني ريّح وجر الصوت في وسط القرى!!

أنا احمد الله ما قلطت الاّ على سمن وسمين = وأهل اليمن ماهم بمنّا وأنت بعيونك ترى!!
اللعب تال الوقت شين ومنهجه بالكاد شين = وصاحبك في نهج الردى والذمّ والله ما ضرى!!

انته تجيب العيد يا رجّال .. ومن العايدين = الشحم ندهن شاربك به ما دهنّاه بغرى!!
جيناك بسلوم العوارف والرجال الطيّبين = واليوم خنت العهد يا طالب وخاطرك أقشرى!!