يا مرحبا ترحيبةً تنجح بتقدير امتياز=من هاجسً يربأ بنفسه عن مواقيف الزرى
يا كثر لوحاتً نشاهدها على خط الحجاز=اللي تودي للمدن واللي تودي للقرى

دام البقا يالصاحب الغالي على الارض العزاز = من هاجسن يسمو بعلم الطيب قدام البرى
احص العدد ياصاحبي واعط العدد عبر الجهاز = واذهن تعد اللي تلاقيها على سكة كرى

بطاقة الاحوال لا يمكن تجي مثل الجـــواز=معلومة ًما يمتلكها الجاهل اللي مادرى
يالعــــــازمي لو نرمي الصخره على بيت القزاز= يبا ينـام اهله بعد يومين في وسط العرى

بعض العرب ياصاحبي يمشي على عشرين فاز = لو عجّل الخطوه قدم ياسرع ماعوّد ورى
يابواردي خل الحصا بندك وافيت المراز = قدام لاتوخذ . بعدها مايذريك الذرى

ترى الفرص يا العازمي فالوقت تحتاج انتهاز=واللي مشرّه فالثريا ما يعاين فالثرى
انا ادري انك ضلع يابن روق عند الاهتزاز= ترسي .. لكن السوق لازم فيه بيع ومشترى

جوف الثرى حفرت للاسرار يارجل ارتواز = والاطموحي جاوز السبّع عسى عينك ترى
بعض الكلام يجاز يارجّال والا مايجاز = لكن ماينشب بحلق العبد ياكود الغرى

المشاركة الأصلية كتبت بواسطة سارح البال (المشاركة 516607) ماشاء الله على هالطاروق والله اني اتمنى وادعي ان مايرد على البواردي الا العازمي سبحان الله وجات على مامنيت

من طيب راسك مار صحصح واخذ وضع الاحتراز=قـبل تدق الكف فوق الكف من شيً جرى
نبا نسوق شعيـــل لكنه قعد وسط الغراز=اظنه معوّد على الراحات لان انه ضرى

اللي يمّيز فالطيور يعرف حتى فرخ باز = لكن عن بعض الطيور احد عيني للكرى
اتبع شعيل بجرته يمكن يدلّك لارض غاز = من بعدها تصبح غني لو كنت من ناس فقرى

حكومة الافغان لو يقودها حامد كراز=تشكي مذلتها ولا تقدر على رد البرى
عندي علاجك يالبعير اللي مطاولك النحاز=لكنّي احسب للقطين وللصميل اليا انفرى

المسلم اللي باع دينه مانبا منه اعتزاز = وراع الشداد بدارنا في مقسمه ماش خشرى
ترى البعير اليا هدر من سطوته شق الحجاز = لكن وخر عن طريقه عقب صدر ثم سرى

التاجر اللي جمع الثروة بكثر الابتزاز=ينهى عن المعروف ويشجع لفعل المنكرى
يهدر وهو بارك وغيره من فعول الطيب حاز=على مراتب عاليه واصبح معه ختم اومرى

من مدرستكم مانعود غير بعلوم اجتياز = ياسهلها للي كتب ياصعبها للي قرى
يامخبل اللي للجبل ياصاحبي بالجنب هاز = والطيب جعله في جماعتنا يزيد ويكتثرى