|
الكل يشارك ببيت شعر
السلام عليكم ورحمة الله وبركاته
هذا الموضوع عبارة عن وضع ابيات شعريه في الحكمه وذلك بوضع الأبيات ثم اسم الشاعر لذا أرجو من الجميع المشاركة للفائدة الرجاء تثبيت الموضوع |
ولعيونك يااااالغالي
البيت لشاعر اكلب بن الصاري (( العظم ليامنه فسد مخي ايعيب)) ((كسره يساوي عند راعيه جبره)) |
تسلم ومشكور على تفاعلك ومشاركتك المشرفه
يـالـغالــــي |
من لم يقفْ عندَ انتهاء ِ قدْره ِ
تقاصرت عنه فسيحاتُ الخُطى بيت رائع جداً من قصيدة مشهورة تعرف بمقصورة ( ابن دريد ) |
مشكور على المشاركة يا طلال
ولاهنت |
من كلمات/ مشعل الشايقي |
البزر لو أنه الحقته المشاريه
أنشهد(ن) بالكون مافيه رجال كلمات: محمد الغبيوي العتيبي |
الشاعر : مرشد البــــذال
|
الأخوان : شامان , ابن مزحم , شبيب الملعبي
مشكورين على مشاركتكم المشرفه وبيض الله وجيهكم ومن شارك ومن يقرا |
محمد الأحمد السديري... |
المـال يحيـي رجـال لاحيـاة بهـا
كالسيل يحيي الهشيم الدمـدم البالـي الابيات لبديوي الوقداني |
رجلك ليا ضاقت لياليك سقها
عسى تواليها تبشر بالافراج الله يعطيك العافيه |
اقتباس:
خطــــــا الابيات لبن سجوان الرويس العتيبي |
اقتباس:
يادحيم ديار الرفاقه مريفه=واللي مع الاجناب كنه على نار الطير بالجنحان محلى رفيفه=واليا اكسر حدى الجنحين ماطار يمنى بالايسرا تراها ضعيفه=ورجل بلاربعآ على الغبن صبار |
الأخ فهد النفيعي مشكور على المشاكة الجميلة
|
وش يفــــــرق الشاهيـــن والحـــــــر والبـــاز الهـــــــد وآحــد والطـــــــــلأيع صنــــــآيف |
مشكورين يالربع على المشاركة الفعالة والمشرفة
بيض الله وجيهكم |
|
اخي رمزي المقاطي مشكور على الأبيات الجميلة
|
احلامنا تزن الجبال رزانة وتخالنا جن اذمانجهلا
|
أخي ابو مستور مشكور على مشاركتك الطيبه
ويعطيك العافية |
سر ياقلم مالي علي الصبر طاقه ...........صبري تعدي الحد معاد ينطاق
اكتب لمثلي قصته واشتياقه.......... في خطك الوضح علي بيض الاوراق قصت حزين صافي المر ذاقه....... باقوبه الاصحاب والوقت باق وصار الضحيه بين بايق وبوق.........يمشئ وهو محس في كسر ساق امسي علي ساقين واصبح علي ساق.هذي سوات الوقت شين اصطفاق بندرابن سرور |
ياما حلا ياعبيد في وقت الاسفار جذب الفراش وشبّ ضوّ المنــاره مع دلة تجذا على واهج النــار ونجر إلى حرّك تزايد عبـــاره في ربعةماهيب تحجب عن الجار لا منّ خطو اللاش ما شبّ ناره النجر دقّ وجاوبه كل مـــرّار مالفّه الملفوف من دون جاره وأخير منها ركعتين بالاسحــار لاطاب نوم اللي حياته خساره هذي ابيات للفارس وأمير عتيبة الراحل / تركي بن صنهات بن حميد (رحمه الله) |
وإن كان ما تقدر دروب الرياجيل *** عوّد وتلقى واحد(ن) منك واردى
للشاعر رشيد الزلامي |
مشكورين على تفاعلكم المشرف الله يبيض وجيهكم
ودمتم بصحة و عافية |
اقتباس:
ومشهور البيت |
صبري على اللي جرحني مايعذربني.. تحشم احثال العرب من شان طيبها.. |
مشكور على المشاركة الطيبه
|
اعيش عيشة ذيب والراس مرفوع :: وان قلّ مالـي عزّ نفسي غناتـي للشاعر الكبير : رشيد الزلامي |
الله لا يهينك على المشاركة الطيبة
|
هذا مما احفظه للشعر الكبير الشريف بركات وهي احد عيون الشعر النبطي واتمنى ان تنال على رضاكم
يا مرقب بالصبح ضليت اباديك …. ما واحد قبلي خبرته تعلاك وليت يا ذا الدهر ما اكثر بلاويك … الله يزودنا السلامه من اتلاك يللي على العربان عمت شكاويك … وليت يا دهر الخطا ول مقواك واليوم هالكانون غادي شبابيك … تلعب به الارياح من كل شباك يا مالك اسمع جابتي يوم اوصيك … واعرف ترى يا بوك بامرك وانهاك وصية من والد طامع فيك … تسبق على الساقه لسانه لعلياك اوصيك بالتقوى عسى الله يهديك … لها وتدركها بتوفيق مولاك الله بحق اجدادك الغر يعطيك … رضاه مع كل ما تمنى من امناك احفظ دبشك اللي عن الناس مغنيك … اللي الى بان الخلل فيك يرفاك واعرف ترى مكه ولاها بناخيك … لو تطلبه خمسة دواوين ما اعطاك اجعل دروب المرجلة من معانيك … وادراج سيسها على العز مرقاك لا تنسدح عنها وتبغيني اعطيك … جميع ما يكفيك ما حاصل ذاك احذر امر ليعات تبيها لتاليك … ايضا ويرخص عندها قدر مأواك ادب ولدك ان كان تبغيه يشفيك … واستسعفه من بعد مرباه يالاك اما سمج واستسمجك عند شانيك … ويفر من فعله صديقك وشرواك والا بعد جهله ترا هو بياذيك … لو زعلت امه لا تخليه يالاك واحذر تضيع كل من هو ذخر فيك … معروفه لا تنساه واوفه لعرفاك ترا الصنايع بين الاجواد تشريك … الى طمعت بركزها لا تعداك واحذر سرور بغبة البحر يرميك … ولا عنده افلس من تشكيك وبكاك واوف الرجال حقوقها قبل تعنيك … لا تعتمد بالعفو فالحق يقفاك وهرج النميمه والقفا لا يجي فيك … واياك وعرض الغافل اياي واياك تبدي حديث للناس فيه تشكيك … وتهيم عند الناس بالكذب واشراك واذا نويت احذر تعلم بطاريك … كم واحد تبغي به العرف واغواك واحذر شماتة صاحب لك مصافيك … والى جرا لك جاري قال لولاك ولا تحسب ان الله قطوع يخليك … ولا تفرح ان الله على الخلق بداك ان اشتهى حط الطمع في تواليك … لو ما لقيته يا فتى الجود يلقاك والضيف قوم له حين يلفيك … مما تنوشه يا فتى الجود يمناك اكرم قباله فانها من شواديك … وابذل له المجهود ما دام يعناك واحذر تلاقي الضيف مقرن علابيك …خله محب لك صديق اذا جاك واوصيك زلات الصديق ان عثا فيك … ما دام يغطاها الشعر فاحتمل ذاك راعه ولو ما شفت انه يراعيك … عساك تكسر نيته عن معاداك واحذر عدوك لو ظهر بيصافيك … خلك نبيه وراقبه وين ما جاك لا تامنه فاطلب من الله ينجيك … ويكفيك ربك شر ذولا وذولاك شفني انا يا بوك بآ مرك وانهاك … عن التعرض بين الاثنين حذراك اذا حضرت طلايب مع شرابيك … اسع لهم بالصلح واللاش يفداك ابذل لهم بالطيب ربك ينجيك … ولا تجضع الميزان مع ذا ولا ذاك اما الشهادة ادها ان دعوا فيك … بين عمود الدين لا عميت ارياك بالك تماشي واحد لك يرديك … طالع بني جنسك وفكر بممشاك رابع اصيل في زمانك يشاكيك … والى شاف خملاتك عن الناس غطاك واحذر عن طرد المجفي حذاريك … عليك بالمجبل وخل من تعداك ثم العن الشيطان لياه يغويك … ترا ان تبعته للشرابيك وداك واوصيك لا تشتكي علينا بلاويك … انت السبب اخذك عيونك بيمناك واعرف ترا اللي وطا الفهر واطيك … ولا انت اعز من الجماعة هذولاك المسك يا راسي عن الذل واخطيك … واحذر تكلم يا لساني حذاراك والطف بجارك ثم قم دون عانيك … وافطن الما يعنيك عن ربعة اخواك يا ذيب وان جتك الغنم في مفاليك … فاكمن الى حيث الرعايا اتعداك من اول يا ذيب تفرس ابياديك … واليوم جا ذيب عن الفرس عداك يا ذيب عاهدني واعاهدك ما رميك … ما رميك انا يا ذيب لو زان مرماك والنفس خالف رايها قبل ترميك … ترا لها الشيطان يرمي بالاهلاك ومن بعد ذا لا تصحب ال*** يعديك … وعن صحبة الانذال حاشاك حاشاك ترا العشير ال*** يخلف طواريك … وانا ارجي انك ما تجي دون آباك والهقوة انك ما تجي دون اهاليك … ولا اظن عود الورد يثمر بتنباك والحر مثلك يستحي يصحب الديك … وان صاحبه عاعا معاعات الادياك لا تستمع قول الطرف يوم يلفيك … بالكذب يقضي حاجته كل ما جاك من نم لك نم بك ولا فيه تشكيك … ويلاه قد ازرا رفيقك وازراك عندك حكا فينا وعندي حكا فيك … واصبحت كارهنا وحنا كرهناك ما اخطاك ما صابك ولو كان راميك … واللي يصيبك لو تتقيت ما اخطاك مير استمع مني عسى الله يهديك … النصح يا مالك لك الله مولاك عندي مظنه ما تمثلتها فيك … واطلب لك التوفيق من عند مولاك ولكم تحياتي..... !..عسكر البارود..! |
**حكمة*
[frame="4"]
شعر / ضاامي وفاا |
لا هنتو يالغالين على المشاركة الطيبه
وبركات الشريف علم من اعلام الشعر |
وينكم يالربع وين مشاركاتكم
|
توقعت ترقبني على الميعـــــاد ــــــــــــــــــ وتحسب للدقايق قبل الايامي
واثرك الي محولها علي الاعياد ـــــــــــــــــ تباها مجاملة من عام لعامي |
هيض القصيد لاهنت على المشاركه
|
عزي لحالك يا عزيز وأنا ابوك كان الزمان اللي وطاني توطاك افهم وصاتي يا عزيّز وأنا ابوك دامك صغير وغاية العلم يقراك تراه ما ينفعءك خالك ولا أخوك لا صار ما تقضي لزومك بيمناك وربعك ليا بان الخلل فيك عافوك أقرب قريب ٍ لك من الناس يشـناك إن كثر مالك صدّقوا لك وطاعوك وإن قلّ ما بيديك شانت حلاياك لو تطلب الما عندهم كان ما أسقوك ابعد مزارك عن وطنهم ومرباك وإن طاب حظك صدقوّا لك وحبوك وإن بار كلٍ ما يبي غير فرقاك وإلى إعترض لك من صروف الـنيا صوك كلٍ تبرّا منك ماهوب وياك هرّاجة المجلس إلى جيت ورّوك منازل ٍ تطرب نظيرك بدنياك وإلى قضو منك اللوازم وخلوك تفرّقوا وأنت إحتمل كل ما جاك كنّك سراج البيت للنور شبوّك وإلى إنقضى اللازم حدا الربع طفاك ولاّ كما ليمونة الحمض مصّوك وإلى قضى منها الطعَم فرّغوا ذاك واللي يجي من رفقته ريب وشكوك إحذر عنه ليّاك تصدف بمسراك وإلى جفوك أهل الوطن وإستخفوك قلّع غريسك منه وإهدم ركاياك تراك لو تنجع على الربع صعلوك أحسن من اللي تلتجي به وياطاك عطهم وضيّفهم إلى منهم جوك وإغلق ضميرك لا تعلّم بقصياك إن طبت ما حبّوك وإن عبت زالوك تمضي حياتك ناقل ٍ داك برداك وإصحى لخلان الرخا لو تغالوك إعرف ترى أطيبهم إلى إحتجت يجفاك كنك خوي مقيط دهووك وأغووك وحقك عطاك رشاك وأقفى وخلاك وإن كان عدوانك على الضيق حدوك فإخصم طلابتهم بعجفاك وقداك وإن كانهم لمشرّف الحق ماشـوك ناظر مطاليع الفرج قبل مبداك وإن طاوعوا شيطان الأنفس وهانوك فإصبر على البلوى ودفنك رزاياك زرهم تراك إليا تونيت زاروك إن ما بديت لصاحب السو يبداك ما دامهم ما طاوعوا لك وعرءفوك إضرب على الكايد إلى عمست ارياك لو هذبوك إمن المصاوب وضدوك ما يذبحونك قبل تدني مـناياك وإحلم على الجاهل ترى الحلم مبروك وقم للضعيف اللي من الظيم ينخاك وإدمح خطا جيران بــيتك إلى أوذوك ترى القصِير وحرمة الجار بحماك عطهم لوازم حقهم لو تناسوك في كل ما يصلح لدينك ودنياك وقم للضيوف اللي لفوا لك وضافوك أغلى كرامتهم حجاجك وبشراك وإعرف ترا مالك للأضياف مشروك لولاه يطلب حاجته منك ما جاك وقم للرجال إن رايعوا لك وحبوك وإحشم خويك وأكرمه عند ملـفاك وإلى إعتبرت بسيرة الناس كفوك ما كثر من شي أتعبك ثم عـناّك ولولا تبات بهمّ دنياك مظـنوك ما طاب لك ما دام لك وإفتهم ذاك وصلاة ربي عدّ الأوراق والشوك أو ناض براقٍ وما هل سفاك على الذي ما فيه ريب ٍ ولا شكوك محمدٍ .. ما دك بالقلب دكاك سليمان بن شريم يرحمه الله |
شامان الاسعدي |
|
مشكورين على المشاركه المشرفه والفعاله
بيض الله وجيهكم |
| الساعة الآن »02:44 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd
