ماجيتك إشكيلك عن الليل مابات=جيتك بشرد ٍ تتعب اللي حبكها
جيتك وكلي عز بأهل المروات=ناس ٍ تنومسني وطيبي ملكها
ربع ٍ لهم فزعة طغى كل الاوقات=يوم الوغى خيالها اللي هلكها
ربع ٍ لهم تاريخ يحكي لما فات=تشهد نجوم الكون وإنشد فلكها
ربع ٍ بـهم طيب وكرامه ونخوات=عوايد ٍ فيهم ولاحد ٍ تركها
لاعقدوها والمشاكل متاهات=ربعي يفكون الحبال وشبكها
ربعي عتيبه لابتي كل ماجات=صكات بقعا في ظلام ٍ سفكها
تبين في وجه العتيبي علامات=شجاعة ٍ ماكل رجل إنتهكها
يرقى على ذيك الخيول الاصيلات=يفتكها ويفك منهو سلكها
هذا وكل ٍ فيه خيره ولا مات=محد ٍ دروب الطيب وحده ملكها