سلام الله سلامٍ مثل طعم السكر الحالي=حلو واللي محليه اليدين اللي يسونّه
والا ياصاحبي بعد الإجازة كيف الاحوالي=عسى كل العلوم اللي على بالك يسرنّه

المشاركة الأصلية كتبت بواسطة أبو مناسيب (المشاركة 511378) والا ياصاحبي بعد الإجازة كيف الاحوالي عسى كل العلوم اللي على بالك يسرنّـه الله الله يابندر على هالابداع صح لسانك سجلني متابع

هلا يا مرحبا والله يحيّ الصاحب الغالي=تراحيبٍ بعيده عن مجال الشك و الظنّه
انا قبل الاجازات وبعدها طيّب الفالي=يا طيب العافيه يا صاحبي والجنّه الجنّه

يدوم لك البقاء لاعل حظك دايماً عالي=وانا بنشدك عن جرت حصانا ً يسحب العنّة
سواتك ياطويل العمر فالميقاف يبرالي=ليا هبة هبوباً تشوي الجربوع فالكنّة

توكلنا على الله وابتدا الموضوع طوّالي=وانا شفت الحصان اللي تقوله مرّنا منّه
انا واقف معك ياطيّب الجدّان والخالي=ورجالٍ يعاندنا نحمسه حمسة البنّه

وانا اظن الحصان من الوزا عقب اونس الصالي=وزا بين البيوت اللي عن الصالي يذرنه
يقولون الرجال ان الظلايم مالها تالي=ولا ياويل من يعرف كلام الحق ويكنه

ما عاد القوم يبغون الدعاوي حرب و قتالي=لكنّ البن الاشقر سوق كيفه والنجر دنّه
يا بندر لاتسمّع كلام القيل والقالي=ترى المسلم لزومٍ يلتزم بالفرض والسنّه