علامك يالعضياني تعداني وتنساني= سواتك يالعتيبي يعلم الله مانسويها
انا مخبر خطاء وليا حصل علقتلي عاني=ورجال المعرفه بالعرف تاخذها وتعطيها

صحيبي تسيد جيته مار يوعدني ولا جاني=مواجيب الرجال الواضحه ماني بناسيها
انا وانته يابو زاحم عيال العم واخواني=وربعي بالعلوم الثانيه ماني مجازيها

المشاركة الأصلية كتبت بواسطة سارح البال (المشاركة 510632) مبدا كايف وعتاااااااااب اخوان (لايكون خوان كارلوس) ههههه انا متابع ومشجع

مصادرنا تقول انك تعزم افلان وفلاني=ورجالٍ تقصر الماجوب قلي ويش اسميها
ماتصلح صحبتن فيها وفيها يالعضياني= اذاء كان اول الصحبه كذا ينعاف تاليها

المشاركة الأصلية كتبت بواسطة النشمي (المشاركة 510659) طيب طيب متصلح صحبتن فيها وفيها يالعضياني= اذاء كان اول الصحبه كذا ينعاف تاليها

المشاركة الأصلية كتبت بواسطة العازمي (المشاركة 510641) صح لساااانك يا النشمي وصح لسانك يالفالح

وصلك العلم منّي والرجال اطوال الايماني=لاجاها العلم ماتقصر عن الواجب يمانيها
انا من يمّي الصحبه قويّه يالعريباني=ومن يمّك صراحه صايرٍ فيها و ما فيها

انا ارضى الشيخ مرزوق العتيبي والعطياني= شهود الحق لا منا درجنا عند قاضيها
وسعود من الشهود ولا نشدنا الجذع سلطاني=اكيد ان الجذع بالصدق يعقلها ويثنيها

المشاركة الأصلية كتبت بواسطة { سلطان الجذع } (المشاركة 510647) هالله الله ياابو فهد ... ومع العايدين بعد الزحمه وصح لسانكـ ملايين ...أبداع غير مستغرب وصح لسان ابوفلاح ...عنوان الابداع

المشاركة الأصلية كتبت بواسطة نايف الروقي (المشاركة 510674) صحت السنتكم ياشعراء

انا ما اقول غير الله يعافيك ولا يبلاني=تورّد لك علوم ولا تحسّب في قوافيها
تقول انّك من الاجناب والجيران عتباني=تراك من الرجال اللي تعددها باساميها

حسبتك فاهم الموضوع وانت اثرك غلطاني= الك مده مع الشعار ماتفهم معانيها
زمام المعركه يحتاجله فارس وميداني=وخل الحرب للهل الحرب وعط القوس باريها

المشاركة الأصلية كتبت بواسطة مرزوق العتيبي (المشاركة 510737) :) .. هذا والله المفارس ههههههههه الاكيد ان المتعه والابداع لها هنا .... مجال خصب ... لاهنتم ... ... ابوفهد ......... دائما طواريقك لها مذاق خاص لاعدمتك ..

المشاركة الأصلية كتبت بواسطة شبل مثمله (المشاركة 510741) الله الله صحت السنتكم، لا والله الا سرى ليلكم يا شعارنا تبا تزين الاموووووور بس عزواااا الصفوف يالربع العب العب الليل ................ الليل ............... الليل ........... الليل

ليا جات الرساله فالبريد بدون عنواني=ترى ساع البريد يقول مدري وين اودّيها
انا فارس ليا حصّلت فالميدان فرساني=معي سيفي وادق نحورها واقطع علابيها

المشاركة الأصلية كتبت بواسطة الفالح (المشاركة 510823) ليا جات الرساله فالبريد بدون عنواني=ترى ساع البريد يقول مدري وين اودّيها انا فارس ليا حصّلت فالميدان فرساني=معي سيفي وادق نحورها واقطع علابيها