مرحبا يالجذع ترحيب يجلي الهموم=والمواجيب ما ننسى رياجيلها
ياعسى ام الكباير حظها ما يقوم=وانت لاعاد ياسلطان توميلها

البقا يالعله يابن ثعلي يدوم =والعرب لللوازم مسرجه خيلها
انته تصوم حوليه وتفطر بثوم =يااهل المزرعه عدوا محاصيلها

منت صاير دفاع ولانت صاير هجوم=دلة الكيف مشروبه فناجيلها
كيف تنسى الحقوق وكيف تنسى اللزوم=واثر بعض السوالف منت صاحيلها

انت ساري ليا قرب منامه ينوم =والمخيله على راسك هماليها
لن تركنا النواقص مانلحق بلوم =ليه يمناك دايم ناقص كيلها

نعرف الحر حر ونعرف البوم بوم=مار ناسن تغر العلم عزيلها
انت اضنك من علوم الرجال محروم=والعلوم الثمينه منت راعيلها

اثر نايف على راسه وخده وسوم =كل ماثقلت الحمله يزوزي لها
عام الاول تعنزها طوال الرجوم =واخر الوقت نفسك بارد حيلها

يالجذع ماعلينا من كلام الرخوم=وانت بعض الهروج العوج فاضيلها
قسمنا تعرفونه من خيار القسوم=كل كلمه تعرف الناس تحليلها

انت رجال تجهل في كثير العلوم =والجهاهيل انا بالطبع ماويلها
الكرامه جمل بكره تراك معزوم =بين صفينها ثم اسهروا ليلها

ما جهلنا العوايد كلها والسلوم=كان راضي لها ماني براضيلها
العزيمه نباها بعد فرك الخشوم=كان في يداك حيله حطها شيلها