الليله الليله نبيها مع هل الوزن الثقيل=والثقل فالفكره ومعناها من اللي يرسمه
وليا لقينا نايف الروقي..مانبغا له بديل=راع الحصان اللي عنانه في يدينه محكمه

الليل توه ماسرى ياصاحبي ليلك طويل=هات العلوم اللي معك والعلم حنا نفهمه
انا عميل الطيبين اهل الوفا واطيب عميل=مار انت مدري عنك تبني البيت ولا تهدمه

وحده ورى وحده ترى ثنتين ..والله الوكيل=والثالثه فالغيب مانعلم بها ذي مبهمه
الناس تنظر فالبروق وسيلها عيا يسيل=ترى خيال الصيف متساوي وجوده وعدمه

ترى الدليله في المساري مايدورله دليل=مار البلا اللي مع هل الطالات ما سج اقدمه
مالك ومال البارق اللي لا خيال ولاحصيل=لا تظلم اللي واقفن في واجبه لاتظلمه

حنا ترى ياصاحبي فالمعركه فرسان خيل=واليا وقفنا فاللوازم ماتضيع اللازمه
وان راحت الدعوى على ماقيل هات وحط شيل=اللي معه حجه يقدم حجته فالمحكمه

ما ذمكم يا ربعنا ياللي تشيلون الثقيل=لكن بعض الناس لاينشب لسانه في فمه
ياهل السلوم الغاليه ياللي تعزون الدخيل=راع العلم لو طالت الايام ما طاح اعلمه

اثرك يابوزيد تقدرفالقصير والطويل=لو تلزم الرجال قلت اكل عظامه ولحمه
ترى الحراميه ماخلت لاكثير ولا قليل=والبيرق اللي معك في يمناك خلك لازمه

اصبر على جور الدهر واشتال حملك يا شعيل=واللي عطاه الله يارجال محدن يحرمه
ترى الهروج العوج يارجال ما تشفي الغليل=والفارس الرعديد يارجال ينسى محزمه

ياويل حالك من غرابيل الزمان اللي يهيل=اشوف أبو عرام يادوب يتحرك برطمه
ياصحبي ترا سوالفنا ماغير امزوح لليل=مار انت دمك ياصحيبي صاير(ن)دم حلمه

انا احسبنك لو يطول الوقت لايمكن تميل=والعلم واحد مار بعض الناس عيا يفهمه
احسب حسابك مانبا منك الكلام المستحيل=ياصاحبي حنا ترانا مانعرف النمنمه