يامرحبا حييت ياللي ترسل العلم وتجيب = مرزوق توّه ياوسيع العرف عاد من السفر
امر وهات اللي طرالك دامني عندك قريب = حيثك من اللي يبهجون البال في نظم الشعر

الله يسلم كل شي فيك من حر اللهيب = يوم العباد اوقوف للرحمن في يوم الحشر
اكرب حزامك يالعتيبي والحقوق الها طليب = واللي يبا يشري ذهب يحسب احسابه للسعر

و ش غيّرك ياصاحبي وشبك ورى طبعك غريب = الظاهر انك ماتذوقت الوطي فوق الجمر
انا كان تبغاها مزارق طيب فابشر لك بطيب = وان كان تبغاها بزرق ارماح ضربي فالصدر

ماننزل الوديان منزلنا على النجم الرقيب = يوم ان بعض الناس منزلهم على حيد الخطر
ان كان تزعم بالشجاعه والفتوّه يالبيب = عان الذيابه فوق راس الرجم تقنب من عصر