مرحبـــا والليله المعنى على متن السحابه=ما يمــــــرّه كل طير ولايشوفه كل ساري
السؤال الحاير اللي مع هل الطايف جوابه=كاتبه حاضر ولكن الخبر يحتاج قاري

الزمــان اللي بدوراته حنا قوس الربابه=مخلفً شكل السيوف الحدب عن شكل الشباري
مـن عتيبه.. والمنشّد قبل ما يشعب ركابه=ياخــذالاوصاف بالتحديد ويقص الاثاري

في قنوات الفضـا شفنا النماره والذيابه=تترك الضلعـان وتدوّرعلى فيّ الكباري
طعت جيرانك وغيـرت القرايه والكتابه =واكثر العربان ضيع بين الاصلي والتجاري

خابرين البشت والخوصه ولكنّ الغــــرابه=(فالطبل)!والغربي اللي قام يلعب بالشجاري
بدعة ً فالدين ماكانت على عصر الصحابه=ما لها راوي مـــزكى مثل مسلم والبخاري

الجروح الطارئة يمكن تفيد بها الطبابه=والجروح المزمنه يحتار فيها الاستشاري
البنادم كان حاش الطيب في غرة شبابه=ما يكوده شي فالمسراح والا فالمساري