مرحبا بالشاعر اللي تشرح الخاطر بيوته بيننا لا من فتلها = عدّ نسناس الشمال وعدّ مالاحت بروق الغيث من بين الخيالي!!
المثل زد قال من قول الاوادم ما يبرّك للثقال الا جملها = وأنت يا سعود العصيمي من جمال اعقيل تبرك ثم تحمّى للثقالي!!

البقاء ياللي ترحب والمواقف مايوقّف فالمواقف غير اهلها=هات علمك يامحلل واخذ علمي والاجابه تاصلك حسب السوالي
المثل زد قال رجلٍ مايخسّر مايفيد ولوبغا ياصل مناته ماوصلها=والعصيمي بالوفاء معروف مابين الرجال الطيبين من الرجالي

والله انّي خابر انّك من رجالٍ فالمواقف ما تهاب ولا تبلها = مير دوك العلم وأحرص علمنا ذالليل لا يجرف مع الجرف الهيالي
المطيّه منهو اللي يالعصيمي من قديم الوقت برّكها وعقلها؟ = فاطرٍ ذاليوم حالت يالعصيمي بين ابن غانم و ابو زيد الهلالي

كلمة جزله وكلمة مالها الابيت اهلها والعميل اللي نقلها=الله اكبر يازمان الخير كلك خير وعيالك شغاميم العيالي
حافظين شدادها والياجهلت الناس تخبريامحلل من سألها=مار علمني علامك ماعلى راسك معم ولاشماغ ولاعقالي

والله أنّا ما نبا هرج الردى كان العصيمي كلمتي ضدّه جهلها = والله اعلّم يمكننها تلحقه منها علومٍ ماضيه يا هملالي !!
كلمتك هذي قديمه يا رفيق الخير مير ان طعتني دوّر بدلها = من تورّى حط عذره فالعمامه والعمامه ما تجيب أول وتالي

المشاركة الأصلية كتبت بواسطة محلل أدبي (المشاركة 503354) الاخ / سعود العصيمي // حدد لنا وقت ونجتمع فيه كلانا ونقشط الطاروق بسرعه من حينه :) والا لا ؟؟ /