صافي قلبي واعرفك زين ..من رياجيل تسد الدين =مار لاتلعب على الحبلين ..ياحي يوماحي ياليحاني
والله اني مااترك الاصحاب ..مير ظرف ايامنا غلاب =قبلك ابعدني عن الاقراب ..ياحي يوماحي ياليحاني

انت اشوفك ماترافقنا..طول وقتك ماتوافقنا=ماحسبت انك تفارقنا..ياحي يوماحي ياليحاني
يالجذع نعرف هناديبك..ياعسى الايام تغديبك=انت جاهل حق اصاحيبك..ياحي يوماحي ياليحاني

امس رافقناك يم القوم ..ثم ذدت همومنا بهموم=لاكبست ولاسلمت اللوم ..ياحي يوماحي ياليحاني
أه ياليتك كما الفالح ..اشهد انه فالح وصالح =انت عد ٍمنبعه مالح ..ياحي يوماحي ياليحاني

خل هاذي لاتطريها..نيتك فيها ومافيها=ماتبيض وجه راعيها..ياحي يوماحي ياليحاني
نعم بالفالح وابن عمه..كلهم صارو على القمه=وانت دايم ميت الهمه..ياحي يوماحي وليحاني

ليه ماودك بطاريها ..وقفتك بانت خوافيها =تفشل رجال مخاويها ..ياحي يوماحي وليحاني
بن عمك نعرفه وافي ...بالوفاء مثل بن عسافي =وانت تستوفي ولاتافي ..ياحي يوماحي وليحاني

وقفتي ماحد ٍ بناسيها=منت ياسلطان غاويها=والضعافه ماندانيها..ياحي يوماحي ياليحاني
يالجذع لاتحرق اعصابك..روح عنا مادرينابك=اخر الايام وش صابك..ياحي يوماحي ياليحاني

ياكثر مامعك جاملنا ..واخر الدعوى تفشلنا =كيف الك وجه تقابلنا ..ياحي يوماحي ياليحاني
ربعك الهيلا عطوك وسام ..وانت شيخ ومركبك قدام =مار تفطر والعباد صيام ..ياحي يوماحي ياليحاني

السوالف مالها داعي..وجهي ابيض صامل اذراعي=وانت مثل النايم الواعي..ياحي يوماحي ياليحاني
كلمتك هاذي ترددها..مار اظنك ماتنقدها=حركبدك وش يبردها..ياحي يوم ماحي ياليحاني

جبت حيه طير بن برمان ..مار ابا اعلم بها العضيان =لاجل تكوي راسك الوجعان ..ياحي يوم ماحـي ياليحانـي
مانت في نعمه لاجل تحسد ..مار حاسب لانبيح السد=نعرف اللي فاللقاء ماسد ..ياحي يوم ماحـي ياليحانـي

المشاركة الأصلية كتبت بواسطة سارح البال (المشاركة 500821) ماشاء الله طاروق ويجمع نايف الروقي والجذع لابد ان يكون مليء بالتميز ابتدا الابداع وحتما سيستمر حتى نهاية الطاروق

انت وشبك تكسر الحونك..ياعسها تنقز اعيونك=العرب لاعاد يوحونك..ياحي يوماحي ياليحاني
صحبتك معاد نقبلها ..غلطتك لازم حملها=قفل الابواب قفلها..ياحي يوماحي ياليحاني