عـداد ماهلـل ولـبـا الملبـيـن=وعـداد ماذعـذع نسيـم البـرادي
سلام يـاروس الرجـال العزيزيـن=تسليمـت تفـوح عنبـر وكـادي
اقولها باسمـي وباسـم النباعيـن=في عيدنا اللي صار بيـن العيـادي
وحنا على جمعـا الرفاقـه شفييـن=اللي لهم في الطيـب دور ريـادي
ومن يوم جا للشعر دور ومياديـن=عبرت عـن شـي يكنـه فـوادي
جالت بفكري دلة العـرف جوليـن=ولانـي مقدمهـا بلـيـا قـنـادي
قدام لاجيـب الكـلام ازنـه زيـن=انقـاه واراقابـه طـوال المبـادي
للرجل ماقـف والمواقـف نياشيـن=وياطيب راس اللي يروم السنـادي
اليادعا الداعي يبين احمـر العيـن=ماينـدرق لوكـان طبعـه حيـادي
ومن لانهض عند اللزوم الجناحيـن=يفهـق ويتركهـا لطيـر الهـدادي
وحنا هل الميقاف ماضـي وبعديـن=وحنا هل الطالات فـي كـل مـادي
لاحـان واجبنـا نجيلـه نشيطيـن=وكل يقـول اليـوم غايـة مـرادي
لجله نجي من نايـد البعـد عانيـن=ماحدنـا عـن لازم الربـع حـادي
خص ليا كانـوا جماعـه وغاليـن=وشيوخ واهل سيف واهل الشـدادي
وعلى الكواكب والنجـوم متعليـن=فازوا بها من فضـل رب العبـادي
يوم المغازي واختـلال الموازيـن=ومصافق القومان صبح وهجـادي
يسقون لضيا من عروق الشراييـن=ماتشـرب الا مـن ملـم الثنـادي
من كف صنديدن يـروع المعاديـن=لاوجهـت يـم الجيـاد الجـيـادي
اليا اعتزي يرضخ له الصعب ويلين=ويوجه المضراب من حيـث ارادي
ومبيض وجيه الربـوع المواليـن=منهم وفعلـه فـوق الافعـال زادي
حمايـة الدرمـه وللعهـد راعيـن=بالهيبه العظمى وضـرب الحـدادي
طلمس وعبدالله ومطلـق وجبريـن=وشجعان وسليمان سقـم المعـادي
وناصر وابومحسن صعوط المجانيين=ذباحـة الحايـل طـوال الايــادي
عقايلـه علـى المهمـات ساطيـن=يوم العزاوي والزحـم والطـرادي
واليوم للحكـم السعـودي مواليـن=يالله مـن النكبـات تحفـظ بـلادي
وافين في الماضي وذلحين وافيـن=صغيرهم من فعل ابـوه استفـادي
والمـدح مايصلـح بليـا براهيـن=ولاله طعم لاصار في شخص عادي
مايصلـح الا للرجـال الميامـيـن=واليا مدحت ذعـار مانـي بغـادي
والله موفـيـه حـقـه دواويــن=مير اجتهد والعذر بعـد اجتهـادي
اقول رمز مـن رمـوز السلاطيـن=يشهد بها اهل الحق حضر وبوادي
يضحك حجاجه كل ماشـاف لافيـن=وتسبق تراحيبـه ندايـا المنـادي
وان قيـل حاتـم كريـم الكريميـن=ذعـار الـه نـد ولـدي مـنـادي
وذعار عـن حاتـم تميـز بثنتيـن=هذا الكـلام المنطقـي والوكـادي
الاوله مسلم غيـور علـى الديـن=والثانيه يعطي الجيـوب الجـدادي

المشاركة الأصلية كتبت بواسطة جبرالعتيبي (المشاركة 500593) بيض الله وجه ليزر الهيلا وشيوخنا العقايله يستاهلون

المشاركة الأصلية كتبت بواسطة غريب نجد (المشاركة 500630) بيض الله وجه ليزر الهيلا وشيوخنا العقايله يستاهلون

المشاركة الأصلية كتبت بواسطة ! محتميها ! (المشاركة 500876) بيض الله وجهك اخوي عندما تغرد الهيلا وصح لسان الشاعر المعروف/ ضاوي العصيمي وشيوخنا العقايله يستاهلون وخصوصاً الشيخ/ ذعار العقيلي حفظه الله واطال في عمره احترامي لك

المشاركة الأصلية كتبت بواسطة عبدالله هادي ناشي الفليت. (المشاركة 502024) صح لساااااااااااااااااااااااااااااااااااااانه