ياذيب نادوني على اسمك وانا ذيب = واثر التشابه فالاسامي وفالحال
انته تجر اعواك فوق المراقيب = وانا ونيني تسمعه فأشهب اللال
وياذيب لي حقٍ علاك ومطاليب = يومك تجر اعواك في نايفٍ عال
اعواك يفتح لي عروض ومكاتيب = وياخذ على الخاطر ويسري على البال
اعواك يجلب لي همومٍ مناشيب = بين المحاني راكده يا اقشر الفال
خابرك ما تدري!! وانا ألعنك واعيب = وامن الشتايم يا احدب الناب تننال
تكفى نخيتك لاتزيد المحاديب = في جوف صدري جالها اليوم غربال
ماتدري ان اعواك فيه العذاريب = ايعذرب الهاوي ويطويه فالجال
وانت امتصلط دون شكّه ولا ريب = اتفيّق الغافل وتبليه بخبال
وانت السبايب فالعنا وايضاً الشيب = صبرت مير الصبر في ذبحتك طال
ما تدري اني من كبار المناصيب = واعدّ من بين الرياجيل رجّال
صحيح من قال الزمن ذا دواليب = جالت على راس المولّع تجوّال
اليا ذكرت احبيّبي راعي الطيب = اللي يحوف القلب ماضي ولا زال
اذكر قنا فاجر وشلفا تراحيب = واتراود الافكار فكري وتحتال
ولاغاب عنّي قمت اهندب هناديب = اعدّ شعري والحقه جر موّال
وكل السبايب كلّها عوية الذيب = اللي هل الوقفات تضرب به أمثال
وماني وانا فيصل عطيب المضاريب = ان كان مالرمح الحدب فيه ينهال

المشاركة الأصلية كتبت بواسطة فيصل المسعودي (المشاركة 500266) انشهد انك ذيب يالذيب صح لسانك مليووووون جزله لا غرابه في ذلك استمتعت بقرائتها كثيراً تحيات اخوك فيصل المسعودي

المشاركة الأصلية كتبت بواسطة دريد ابن الصمة (المشاركة 500322) سااالم وغاانم يابو نجر .. وصح لسانك .. قصيدة استمتعت بما فيها من.. معاني.. وصور.. وجزاله لا حد لها .. تحياتي ..

المشاركة الأصلية كتبت بواسطة فارس 999 (المشاركة 500332) صح لسانك يابونجر الذيب قصيدة وافية وجزلة تقبل مروري

المشاركة الأصلية كتبت بواسطة فلاح الهاجري (المشاركة 500356) ابو نجر ذيب يا ذيب وصح السانك ولا تحرمنا من الدرر الي منك

المشاركة الأصلية كتبت بواسطة محب الهيلا (المشاركة 500368) مشكور وماقصرت على طرح القصيدة

يععطيك الله العافيه على القصيده الجميله






والله لايهينك وتقبل اعحابي بطرحك الجميل







وتقبل مروري وتوقيعي

صح السانك يابو نجر ويعكيك الله العفيه







وتقبل مروري

المشاركة الأصلية كتبت بواسطة نواف العصيمي (المشاركة 500474) وعليكم السلام ورحمه الله وبركاته .. بيض الله وجهك قصيدة رائعة يافيصل وجزله وإبداع .. ولك التقدير والإحترام