ياليل ما يسريك في بعض الاحوال=الا ذيابً ما تهاب اشهـــــــب اللال
وان صار وزن وكيل توزن وتكتال=والنــــــــــار والجنة خبرها مع الله

هلا مرحبا والا سلام ومســا خير=ليا شافها الطيّـــــــب تخيّر حداها
في سوق الثمينة من يعدّ الدنانيـــر=فرق سعرها في سوقها واشتراها

ياليل في وقت اللوازم سريناك=ماهمنا فالوقت ذولا وذولاك
ولاحسبنا حساب ذيبك وظلماك=والنار والجنـة خبرهـا مـع الله

نرد السلام ان كانبالوضع تخيير=تحية هل الجنه وكلٍ بغاها
ليا جيت وسط السوق مالي مخاسير=اسوم الثمينه مالتفت في غلاها

اجل توكل يالعتيبي على الله =ناحر لبيت الله والفرض صله
عساك تاصل للجدي في محله = والنار والجنه خبرها مع الله

على الخد ينبت قحويان ونـــــواوير=ليا هلت السحب المراديف ماها
تحيزم وموح الدلو واشرب من البير=عسى النفس يابو زيد تقطع ضماها

الفرض يابن الناس حنا نصليه=
يومن بعض الناس دايم يخليه=
ونور القمر لابان للنجم يخفيه=
والنار والجنه خبرها مع الله=

تبا تنبت الارض وتزين التعابير=ليا هلّت اللي مردمه في سماها
جب العلم يارجال وابدا المشاوير=ونفسك على نيتك درّج خطاها

المشاركة الأصلية كتبت بواسطة العازمي (المشاركة 499345) هذا طاروق الاسبوع ابداع يالبواردي وياسارح البال لاهنتو

ما اقول فيك قصور يا سارح البال=لكن حسب بدع القصايد والامثال
البــدر في تال الشهر يرجع هلال=والنار والجنة خبرها مع الله

هل الصيت فوق معسكرات المسامير=ومن مد نصف الكف ياخذ ملاها
شداد المطية طول الازمان للزير=وغيره رهين الهقوة اللي هقاها

يعني مكان الجدي ثابت يارجال؟=
يمكن ولكن تبعده بعض الاحوال=
هذي حقيقه وانشد اصحاب الاقوال=
والنار والجنـة خبرهـا مـع الله=

ترا المجد فازوبه رجالٍ مناعير=ومن دوّر العليا لنفسه لقاها
ترا الزير في هالوقت ياصاحبي غير=تحده ذيابن فاللقا ماقواها

الجدي ما يخسف ولا يعكس النور=كوكب مشع ونجم عالي ومشهور
هذا الخبر ثابت وفالصحف منشور=والنار والجنة خبرها مع الله

على بكر دارت قاسيات المقادير=وفريسها فالوقت جاها قضاها
غدوا طعمة للذيب والنمر والطير=حداها الزمان الصلف عن مبتغاها

يانجم نور الشمس حذرا يغطيك=
ترا الليالي ياعميلي دواليك=
وصحيبك ابدالك نصيحه ويغليك=
والنار والجنـة خبرهـا مـع الله=

قريت التواريخ وبغا عقلك يطير=لكنّ انتبه لاعاد تبحث وراها
هذا وقت فيه ادهن على السير ويسير=ونفسك عزيزه لاتبّح خفاها

الله الله
اجتمع الابداع
العازمي.... و....سارح البال ..
واصلوا وعلى القوّه .... مشجع بقوّه ....