ياسلم الله سلام ٍ مثل حد السيف حده =مثل حد السيف حده فالمعادي والمبادي
يادريد الست والستين موتر من توده=انتبه لست و الستين الاصبع و الزنادي

يا هلا يا مرحبا ترحيب نداً شاف نده = عد زرقات الرماح وريحها عنبر وكادي
صاحبي قد الجبل ولا الجبل يالربع قده = كلمةً في سد قلبه ما مشت حسب اعتقادي

البقا للطيبين وكل ضد يعرف ضده=ويكفي الحر الأشارة يا صدى صوت المنادي
يا دريد العلم عده مثل عد القرش عده=و الحركات القديمه حطها تحت الشدادي

البحر قدام عيني وارقب لجزره ومده = اترك اللي راح عنك وهات لي علماً وكادي
اذكر الله واستخير وكل علماً فيه لده = وصك سمعك لا تسمع في بهاريج الروادي

انت مدري وش تقول ؟ الظاهر انه بحر جده!؟ =قدمك الخط الحمر و العلم ساحة كل نادي
اعرف السبع المرد و اضحك على اصحاب المرده=شوكت الميزان واحد وزنها حرّ وبرادي

هد نفسك هدها بالهون شعرك لا تشده = ذاك خطك وانت بصرك من ورا خطك وغادي
كل ما دندن رعدها فالسما هز الاشده = وانت مدري وش هجوسك نازلاً في بطن وادي

العلوم المجرهدّه و الدروب المجرهدّه=انتبه للعلم سته ستّ حشوه بيت عادي
يا كل العلم بعضه و العلم سكين و محده=الجمل من مبركه ما قومه غار القرادي

لو راحت للصغاير رحت كبرت المخده = مار شفت شعيل بخطامه وفيداه القيادي
يا جماعة خير صفقه كل مره فوق خده = مار من زاده عشاه و لا يخاشرني بزادي

شايفه ما ياكله و اللي ما شافه لا تعده=لا تقوله قيد قوبعتك صباحين وهجادي
امتحيزم خيط الابرة ! و مستلّح بام خدّهْ!=مايعدونه سند يا اللي تعرضها السنادي

راعي العلطا بعد ما ضاق من مزحه وجده = كل ما شاف له ديره قال هذي من بلادي
يا وسيع الحلق حلقك لا بلشت بعلم سده = واعلم ان البيض بيض ولا تجي مثل السوادي