يابندر المرشدي لو الرجال تقاس برجال=كان انت مقياس لفعول المراجل والرياجيل
هاذي حقيقه واضن الصدق بين الناس ينقال=ماهي غريبه وجدانك هم اهل الجيش والخيل

مافيه زودٍ عليكم بالوفاء ياسارح البال=انتم هل الطيب والوقفات يالربع المشاكيل
انتم وحنا على وضح النقاء في راس ما طال=في فعلنا تضرب الامثال وتصاغ التماثيل

عزالله انك تقول الصدق مانقّصت مثقال=والله يديم العلوم الطيبه وتصير تدبيل
انا طرالي يابو سلطان كم موضوع فالحال=ويهمني رايكم ويهمني للوضع تحليل

حقايق ثابته يامسندي ما تقبل اجدال=عن فعلنا تنشد الجاهل ويعطيك التفصايل
عبر عن اللي يجول بخاطرك ياطيب الفال=يوم ان الك مع هل العادات والماقف مصاويل

ماودك ان الهدف ينعاد ويعادن الاقوال؟=ويصير ماصار سنه في ليالينا المقابيل
يابندر العمر يمضي والليالي حالها حال=وحنا نصعب ظروف الوقت والدنيا تساهيل