سرى الليل يالفالح وليلك غرابيل=تحيزم ترى قافيك طرقه طويله
من العام وانت تشيل وتحط وتشيل=ولا شفت لك منتوج ظاهر حصيله

سرى الليل وانته مبتدي فاول الليل=وانا اسري على الشعار في كل ليله
لا تظلم رفيقك متعب الجيش والخيل=انا بالمعزّه فوق سرج الاصيله

المشاركة الأصلية كتبت بواسطة الفالح (المشاركة 494197) سرى الليل وانته مبتدي فاول الليل=وانا اسري على الشعار في كل ليله لا تظلم رفيقك متعب الجيش والخيل=انا بالمعزّه فوق سرج الاصيله

علومك تراها كلبوها تهاويل=ترانا نعرف الذيب دم وفصيله
انا خابر رجال وتوفي الكيل=ومعروف يابن الناس مافيك حيله

علومي وانا الفالح علوم الرياجيل=ومن لا يثمّن كلمته عزّتيله
ورى ما غزيت سليم و مطير و هذيل=انا وانت ربع وكلنا من قبيله

نعد الحقايق وانت مارضا لك الميل=وبديك بالمده ومد الجزيله
بروق الحياء جاتك من القبله اتخيل=ومن يعترض لسيل يبغا يشيله

ترى مدّتك مضمون من دون تحليل=ابدّيك بالمدّه ولا هي قليله
بروق الحياء لاحت ولا شيف له سيل=وبرقٍ بليّا سيل ما احدٍ يخيله

بلا قصور فالحضار وبكل حلحيل=ومثلك فـ هالعالم مانلقاء مثيله
اظن النظر قاصر وتحتاج دربيل=ولافيه شي الا وله كم وسيله

يقدّيك نجم الجدي فالليل وسهيل=وتصبح مع الشعار ما فيك حيله
امدّ النظر وآشوف ما ابغى درابيل=وكلٍ على معناه ينضح صميله

انا مستدل مع الدليله..ولي حيل=ولن شفت لي منجوم انا له دليله
ترى الكيف مايصلح بلا بن ٍ وهيل=حلاته ليا زودت بنه وهيله