الا ياالعازمي راع القرى في و قتنا اللي راح=و راعي ظلم مع ذيك الدير في وقتنا الحالي
عساربّي يعين اللي يريد الخير والاصلاح=لكنّ ليا بغى الرجّال يلقى منزله خالي

تــرا راع القــرى لازال لــونّه بـغى المــــرواح = من العدوان حاميها ولد عاصي مــع العــالي
ترى الرجّال يالفالح حشى ماهو قصير اشباح = لكن انتم طمعتو في شداده ليش يالغالي

اقول ونعم والله يارجالٍ تكسب الامداح=وانا وانته سوى فالدّار منزالك ومنزالي
ليا صرت انت راع البيت هات القفل والمفتاح=واذا ما تاجد الاثنين مالك فيه مدخالي

وانا اقول ونعم فيكم قبيله صيتها وضّاح == منازلنا سوا والي حماها ملحق التالي
قضاة الروقه اللي فالقدايم يلبسون وشاح == تنشدهم وتلقى العلم يابن الناس طوالي

ليا ضدّيت قرد الضلع عنك نضد ابن شلاح=نسيت البيرق اللي رافعينه فالسما العالي
تعال انزل معي ولاّ دخيلك في جهام ارتاح=ليا منّك بغيت الحقّ معدالك ومعدالي

ملكناها بعد من دونها صار اعركي وكفاح == تذكر بارقن واحد وتنسى سطوة افعالي
اجل لازم نعوّد لاجل ماتطمعبها الاشباح == بعد محدارنا يطمعبها رجلي وخيالي

للا فعل العوازم كان مسعف فالنسق ما طاح=و فعل الاد ثعلي يعترف به كل رجالي
انا خابرك صادق مار هذي قلتها مزّاح=تعالوا كلبوكم وانزلو يا طيّب الفالي

ترانا ماجحدنا فعلكم دوم القلوب اصحاح == منزحة الحريب اعن الدير في كل الاحوالي
انا اسولف معك والظاهر انت الشامت الفرّاح == تحت كم العباه وتلحق المشهاب فالصالي