يا سلام الله عليكم بسم من سلم و سمّا= مايرده عن مسيره لا دريد ولا خوانه
يعقل ان ادريد فصح لسان وهوه ولد صمّا = كان هو يعقل عساهـ ! وكان ما يعقل مكانه

يا هلا يا مرحبا تجلا عن المهموم هما = وكان همه راغ يمه شيل لومه يا زمانه
يعقل ان اللي معه علطا نشيله وسط كما = كان هو يعقل طبيعي كان ما يعقل ميانه

البقا و اللي يرحب كم قراء من جزاء عمّا=يا الله انك تفتح اذن امه ولا تقطع لسانه
أتعرف علط الرقاب ان كان مخلابك مدمّا=قبل راعيها تعرفه و الخطأ و الصح عانه

قد قرينا من خبرها فالق البحر المطما= يالله انك ترحم العلطا ولا تدقم سنانه
باقياً لك يوم واحد وانت لليوم المهما = راعي البشت الحساوي ودنا نفرك حسانه

النما ينمي شوي شوي و النامي منمّا=يا دريد الله يساعدنا على زين الديانه
لا تحما بلسهوم اللي ما تذبح لا تحما=البس البشت الحساوي منك واليك اللعانه

من علوماً ما تسرك وش تحوش ووش تلما = تضحك بسنك وقلبك ممتلي كله خيانه
وش تبي بالبندق اللي كل ما ترمي تزما = كان هذا كل ما عندك ترى ماهي بزانه

انت مكشوفً مغطا تحت غاااطا اسمً مسما=خل هذي يا دريد اليا استلمنا منك امانه
و المذهب وحده و الدين واحد وانت لمّا=تلبس البشت الحساوي مثل حكام الكنانه

يا طويل العمر غير دريد فيه دريد غما = دور بكشف الاسامي وان لقيته رح وزانه
مذهبي ما يختلف ياللي تحطون المعما = والكناني لن لقيته حط راسه فالخزانه

لا دريد الا ولد صمّا و احب دريد جمّا=كلها صمّا وغمّا وش مكان اسم الاهانه
لا تخم العلم خم ان كان ماعلاك حما=خل راس غليص عندك وان صملت اشعب حصانه

لا تضيعها وتغدي وسط ليلاً مدلهما = البصر غير البصيره وانت رجالاً تكانه
ما يجيك العوق فالميقاف يالراس الاشما = لو راع التايهه عود على عضه بنانه

:)
ختامها مسك منك يا دريد صح لسانك