يا مرحبا ياهلا يابندر المرشدي=ترحيبه مايجوز العذر من دونها
من يوم حطوك مشرف جعل منت ابردي=امانت الله تبقي عند مامونها

دام البقاء من ضميرٍ ما يغش اجودي=يازن حقوق الرجال ويخلص اديونها
وش رايك انته بعد ماشفتنا يابعدي=وجه نظر قولها والناس يوحونها

تري الاصيله معي وخطامها في يدي=ماهيب من حظكم يالي تمنونها
خابرك شاعر وانا ماقلتلك سيدي=لاكن خل القدم تمشي علي هونها

عينين في راس من يوم العباد طردي=اصغّر القمة الك وقلت ياهونها
صحيح بعض النشاما يارجال يغدي=قولوا لنايف يخليها بكرتونها

يابندرالمرشدي بالله لا تحتدي=قدمك ذياب المساري حدت اسنونها
الياحصلك سلامه روح وذبح فدي=ياالله عسي روح بندر تبرداغبونها

ماني بمرتاح يوم انك سريت تعدي=تهبد قدور العرب وتكفي صحونها
ما قدمي الا بلادٍ حزمها جرهدي=واللي حواليّ لاحاجة يشوفونها

عطنا علوم الحقيقه والبساط احمدي=بعض السوالف تخالف لاتقولونها
لو طول الوقت لايمكن تنوش الجدي=ناس كثيره سواتك تلطم اعيونها

تبغى الحقيقة ترا ما انته لبندر لدي=والله لتبطي عظم وانته بطاعونها
كل العرب تدري بترتيبي الابجدي=مثل القمر واضحة يلي تخفونها

تبي الحقيقه لامنك جيتنا معتدي=نكويك بالجمره الي فوق غليونها
ياالشاعر الي تغني ويش هو مقصدي=لن كان ماتجهل الشعار ولحونها