يا بندر المرشدي بيني وبينك كلام=يا مشرف المنتدى يا قاضي المحكمه
اشوف ابو زيد ما حتّى يرد السلام=بعد اللذي صار له ما عاد يفتح فمه

فالدرب نمشي سواء واهم شئ النظام=اللي يخالف نظام المحكمة نرغمه
يفداك ابو زيد صابه رعدةٍ فالعظام=اظن وضع القضية عقب شاف صدمه

ترى البري ما يجيه الشكّ والاتهام=و راع السوابق ترى كل العرب تتهمه
الزور من يشهده ياكل ويشرب حرام=حلال ما حلّله حرام ما حرّمه

الشك مايلحق نفوس الرجال الحشام=والرّب ما ينشب الا في شنب مطعمه
حتيش يالزور ماينقص رفيع المقام=واكبر مثال العراقي يوم طاح علمه

العلم يمحى الجهل والنور يمحى الظلام=نقش الحجر يفرق اعن الكتب بالمرسمه
ما احدٍ يبيع الشداد ويشتري له مسام=مار الطغم لو تعيد العلم ما يفهمه

المشكلة في عقول الناس ماهي تمام=مايفهم العلم لينك بالركب تلكمه
خلاص طويت صحف بقعاء وزان المنام=والكاتب اللي كتب جف الحبر بقلمه