الكوكب اللي حواليه التفاف النجوم=اوضح نجوم السماء و اكبر مشاهيرها
يا ناصر العلم واضح وانت ذيب العلوم=و الظاهر ان الحقيقه ما تبا غيرها

مادامها لفته من غير تدفع رسوم=له حق يومه تديره مدري يديرها
إن كان لك مخلب وجنحان تقدر تحوم=قبل المرابح توقع من مخاسيرها

ما قط صابت هدفها الهافيه و الزموم=و الذاهبه يعقل الله يا مداويرها
اهل القيم و الهمم وموزعين الرقوم=ماهيب يمناك ياناصر كثر خيرها

يامجمعين السوالف من كثير الهموم=يمكن من انفوسكم زادت محاسيرها
الله يعز البطل والله يذل الرخوم=لن كان قامت ودقت فاللقا زيرها

حمض الرجال السوالف يا كبير السهوم=من دون سحب المطر حالت معاصيرها
الله يعز الرجال اللي تعرف السلوم=وكلمة رخمه و بطل صيداً مانيب طيرها

انته علامك ياصاحبنا كستك الضيوم=عسى ماهي من ليالينا وتأثيرها
حنا قرومٍ ندور للرجال القروم=وألا أكثر الناس ندهن لها سيرها

انته عصيمي من العلم الصحيح معصوم=مافي ليالي عْصيم الا قناطيرها
انته هواوي هجوم ابشر بقوة هجوم=ما اقدر الحيه اللي عيب تقديرها

انا عصيمي : ولد لاحان لزم الخشوم=حنا ذرى ربعنا يانافخٍ كيرها
تنوش العافيه يومنها ماتدوم=ترى يدين العرب تحمى حناجيرها

انته عصيمي وتبقى بس عنّك تشوم=مرت ولكن دقت لك مساميرها
ياربي اللطف بنا ياربنا يارحوم=ارواحنا من عذابك ربنا جيرها