الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   أزرق اللون!! (http://www.otaibah.net/m/showthread.php?t=54752)

كبتن عتيبه 28-Nov-2007 01:19 PM
أزرق اللون!!
 
مساء الخير يالهيلاويه


سلام يالعتبان وانتم تمونون=ياتاج راس اللي يرد السلامي!!
والشاعر اللي ينشهر بازرق اللون=اسمه مميّز بين كل الأسامي!!

:: الغــربــي :: 28-Nov-2007 01:34 PM
صح لساتك يالغالي كفييت

ووفيت

السميــــــري 28-Nov-2007 01:37 PM
مساء النوور ................. هههه

يامرحبا من يوم شفناك ممنون = أٌقرب وانا خابرك حام الجهامي
جيناك وانته من ورى العام مديون = يالشاعر اللي تشتهر بالوسامي !!

كبتن عتيبه 28-Nov-2007 01:46 PM
الله الله

طاحت عصا موسى على سحر فرعون=ماعاد فيها يالعتيبي كلامي!!
والدين مامن دين لكن بالهون=وأنا وسامي ماخذه بالنظامي!!

كبتن عتيبه 28-Nov-2007 01:47 PM
صح بدنك يالغربي

تسلم

نواف العصيمي 28-Nov-2007 01:51 PM
الله الله

صح لسانك .. ياكبتن عتيبه

وصح لسانك ..يالسميري وأزهل الصف :)

ولكم التقدير والإحترام

السميــــــري 28-Nov-2007 01:54 PM
الله الله .. يالكبتن ..

تعوذ الشيطان وابليس ملعون = هامان من فرعون ولد العمامي
الرجل ياخذ حق لا صار ملسون = وانته اخذت الحق من غير رامي !!

كبتن عتيبه 28-Nov-2007 01:55 PM
هلا يانواف


وش لونك؟؟؟


لاهنت على تواجدك



تحياااتي

السميــــــري 28-Nov-2007 01:55 PM


نووواف يسلم قلبك يالغالي ..
وصح بدنك وتواجدك في الصف ..
هو غاية ماردي ..

لاهنت لاهنت ..

كبتن عتيبه 28-Nov-2007 02:12 PM
الله الله

لن كان علمك من وكالة يقولون=راجع(وكالة واس) والامر سامي!!
المدح مايرفع هل المنزل الدون=والذِّم مايرخي رفيع المقامي!!

السميــــــري 28-Nov-2007 02:24 PM
الله الله ..
أنشدك ماتقرى لموسى وهارون؟؟ = انته تصلي بسّ وين الصيامي !!
ياخوي علمنّا ليا صرت مجنون = عشان مايلحقك منّا ملامي !

السميــــــري 28-Nov-2007 02:43 PM

ياكبتن ..

أستاذنك نصلي وراجع يالغالي ...

كبتن عتيبه 28-Nov-2007 02:50 PM
طيب طيب

أصوم وأصلّي وبالدِين مقرون=ونبيّي محمد عليه السلامي!!
ولا عاد ابه شاعر من الجن مضمون=حتى ولد عمَّك رشيد الزلامي!!

كبتن عتيبه 28-Nov-2007 02:51 PM
على خير


على خير

نواف العصيمي 28-Nov-2007 03:11 PM

الله الله متابع إبداع منكم


بخير ياكبتن مناحي الستر طال عمرك .. :) ننشد عنك بس وشلونك ياغالي



.. وفي إنتظارك يالسميري .. وخلك سريع :p





ولكم التقدير والإحترام

السميــــــري 28-Nov-2007 03:23 PM
طيب ..
عساها من حسن نيه هههههه

ماودي اقوللك وش منك شارون ؟؟ = يالله تجنبنا دروب الأثامي !!
بين الأذاني ساكنه فيك (شيطون) =نقرى علاها الجن حتى تنامي ..

السميــــــري 28-Nov-2007 05:38 PM



نووواف العصيمي . .

حياك الله .. نتشرف بك ..

مرورك غير

سعود العصيمي 28-Nov-2007 06:20 PM
الله الله









طاحت عصا موسى على سحر فرعون
ماعـاد فيهـا يالعتيبـي كـلامـي!!
والدين مامـن ديـن لكـن بالهـون
وأنـا وسامـي ماخـذه بالنظامـي!!

هههههه


تعوذ الشيطـان وابليـس ملعـون
هامان من فرعون ولـد العمامـي
الرجل ياخذ حق لا صـار ملسـون
وانته اخذت الحق من غير رامي !!





لن كان علمك من وكالة يقولـون
راجع(وكالة واس) والامر سامي!!
المدح مايرفع هل المنزل الـدون
والذِّم مايرخي رفيـع المقامـي!!



الله الله يعطيكم العافيه

ياثنين


فعلا شعار عمالقه

وطاروق اكثر من رائع


صحت الالسن وصحت القلوب


وهذا اللعب والا بلاش



فتل ونقض


تقبلوا مروري ومودتي

كبتن عتيبه 28-Nov-2007 06:53 PM
طيب طيب

شارون يارجال من قوم صهيون=وأنا عتيبي واعتزي في حزامي!!
اثركم امجنن ماشاء الله وتقرون=يالله عسى اللي جابكم للرحامي!!
السميري بيّض الله وجهك


ولنا لقاء خر بإذن الله



تحياتي وتقديري

محمد الروقي 28-Nov-2007 07:00 PM
هههههههههههههههه


السميري // الكبتن

صحت السنتكم وقلوووبكم


ومحاورة جزلة بجزالة شعارها




تحياااتي

مرزوق حمدان العتيبي 28-Nov-2007 07:11 PM
أنشدك ماتقرى لموسى وهارون؟؟
انته تصلي بسّ وين الصيامي !!
ياخوي علمنّا ليا صرت مجنـون
عشان مايلحقـك منّـا ملامـي !


.................................................. .......
أصوم وأصلّـي وبالدِيـن مقـرون
ونبيّـي محمـد عليـه السلامـي!!
ولا عاد ابه شاعر من الجن مضمون
حتى ولد عمَّـك رشيـد الزلامـي!!

هههههههههههههههههههههههه
السميري والكبتن صررررررررررراحه
مافيكم حيله
طافنا هالطاروق المميز
لاهنتوا ...
..............

السميــــــري 28-Nov-2007 07:20 PM
هذا بلاي إنك على شيخ دندون = لكن تبقى ياعزيز المقامي!!
أيطوع المجنون مطرق وحاجون = حتى ولو ماقال مدري علامي !

السميــــــري 28-Nov-2007 07:22 PM


سعود العصيمي ..
هلا والله ..
حيااك .. يالغالي ..

مرورك غير .. وبيض الله وجهك ..

وصح بدنك ..

السميــــــري 28-Nov-2007 07:24 PM


محمد الروقي ..
الجزل هو مرورك .. وبيض الله وجهك ..
ولاهنت يالغالي ..

السميــــــري 28-Nov-2007 07:47 PM



كبتن عتيبة ..

صح لسانك واستفدت واستمتعت معك يابطل ..
ولنا لقاء آخر معك يابن العم ,,

شكرا لك ..

كاسب الطيب انا 28-Nov-2007 07:50 PM
الله الله صح لسانك يالكبتن وصح لسانك يالسميري

السميــــــري 28-Nov-2007 07:51 PM


مرزوق العتيبي
هلا بك يالغالي .. وما طافك غير الشر ان شاء الله ههههههه

مرورك هو الأجمل يابو محمد ..

$ الحــيــران $ 29-Nov-2007 12:06 AM
صحت ألسنتكم محاوره رائعه وإبداع لاهنتم

كبتن عتيبه 29-Nov-2007 01:08 AM
سعود العصيمي

مرزوق العتيبي

محمد الروقي

كاسب الطيب

الحيران



تسلمون جميعكم


والله يحييكم





تحياااااااااتي

رايد الجلاوي 30-Nov-2007 02:29 PM
صح السنتكم يا شعار وبيض الله وجيهكم

السميــــــري 30-Nov-2007 07:41 PM


الحيراان هلا بك يالغالي ..
وصح بدنك ...

الله لا يهينك ..


الساعة الآن »09:26 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd