الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ويش انت سارح فيه يا سارح البال ؟؟؟؟ (http://www.otaibah.net/m/showthread.php?t=54725)

علي فلاح العضياني 27-Nov-2007 10:32 PM
ويش انت سارح فيه يا سارح البال ؟؟؟؟
 
ويش انت سارح فيه يا سارح البال ؟؟؟=ركّز معي جيتك بشيله و موّال
و ابا اتفنّن معك في بدع الامثال =يالله على بابك يا فتّاح الابواب

سلام وآعزّ تسليم =على سلوم الرجالي
ينصا الرجال الشغاميم=اللي لهم قدر غالي

معجب العتيبي 27-Nov-2007 10:45 PM
ماغبت يالفالح مكاني وموجود=اتابع الشعار في منتدى الجود
واشوف طاروقن مع حميد وحمود=يالله على بابك يافتاح الابواااب

يامرحبا عد ماتهيم=شعارنا فالليالي
وعداد ماتمطر الغيم=بالشاعر اللي يلالي

عيد العازمي 27-Nov-2007 10:51 PM
صح لسانك الفالح


وصح لسانك سارح البال


واصلو الابداااع



متاااااااااااااابع

علي فلاح العضياني 27-Nov-2007 11:01 PM
يا اخوي يوم انّ الاسامي كثيره=دوّر بدال اسمك هذاه اسم غيره
انته نعدّك من كبار العشيره =يالله على بابك يا فتّاح الابواب





حنّا نحشّمك تحشيم =يوم انت صاحب معالي
ولاّ عليّ الملازيم=لتصير مضرب مثالي

معجب العتيبي 27-Nov-2007 11:03 PM
اقتباس:
المشاركة الأصلية كتبت بواسطة العازمي (المشاركة 489144)
صح لسانك الفالح


وصح لسانك سارح البال


واصلو الابداااع



متاااااااااااااابع

صح بدنك
ومشكوووور على الحظور

محمد العضياني 27-Nov-2007 11:10 PM
بداية رائعة لمحاورة

تستحق المتابعة

صحت الالسن

معجب العتيبي 27-Nov-2007 11:13 PM
نور القمر مازاد يومه مذكر=
والشمس يارجال مانقّصت حر=
القاب والالقاب بالفعل تفخر=
هذا الصحيح وقولوا اللي تقولون=


منكم تعلمت تعليم=حسن التعامل ياغالي
وان عوّدت للمحازيم=حمايتن للتوالي

علي فلاح العضياني 27-Nov-2007 11:40 PM
العلم واضح لا تفلسف عليّه=هذي نصيحه من خويّ لخويّه
حاول تقبّلها بنفسٍ رضيّه =يالله على بابك يا فتّاح الابواب


يا مقسّم الرزق تقسيم=ارزق كريم السبالي
لن صار فالجوّ تقتيم=ما فيه مثل الهلالي

معجب العتيبي 27-Nov-2007 11:50 PM
العلم واضح والنصيحه نصيحه=
في وقتها والا تعوّد فضيحه=
وبعض الطرق ياخوي ماهي مريحه=
يالله على بابك يافتاح الابواب=

ان كان فالقصد تحطيم=محدن من الشر خالي
وان كان فالقصد ترقيم=رقمي فالاول يخالي

ابن معيض 28-Nov-2007 12:00 AM
متاااابع بستمتااااااع

صح لسانك يالفالح

وصح لسانك يا سارح البال

علي فلاح العضياني 28-Nov-2007 12:09 AM
ترى النصايح ما تعوّد فضايح=الاّ مع اللي ما يعرف النصايح
خلّك على المعنى معي جاي رايح =يالله على بابك يا فتاح الابواب


لا تنفخ النار يا شريم=وتصير مالك مجالي
القاف يحتاج تختيم= لو انّ ما ضاق بالي

معجب العتيبي 28-Nov-2007 12:21 AM
يالفالح انته تنصح وقلتلك تم=
انصح على كيفك وفضفض تكلم=
نصيحتك من فوق راسي وتسلم=
هذا الصحيح وقولوا اللي تقولون=

ماقلتها غير من ظيم=ظيمن وبالنفس جالي
ياصاحبي جبت تعميم=نفذ ودور بدالي

معجب العتيبي 28-Nov-2007 12:23 AM
الفالح:

كلمة حق من يلعب معك ولايستفيد فنصيحه ان لايلعب
ومن يشاهد ويستمع محاوراتك ولايطرب للشعر فالافضل ان لايسمع شعرا


سعدت باللعب والاستفاده منك

السميــــــري 28-Nov-2007 12:46 PM


سارح البال ..
صح لسانك مليوون يامبدع ..
الله يعطيك العافية ..

.............


الفالح صح لسانك ..
وابدعتم في المحاورة

تسلمووون ..

بندر الهيلا 28-Nov-2007 02:32 PM
الفالح -سارح البال
بيض الله وجيهكم على اللعب الجزل والرايق في نفس الوقت

سارح البال كلمتك في ختام المحاورة >>>>>>>>>> احرجت الفالح

تحيــــــــــــــــــــاتي
بنـــــــــــــدر الهيــــــــــــــلا

معجب العتيبي 29-Nov-2007 01:22 PM
السميري
مرورك شرف
واشادتك وسام
فلك الشكر

بندر شكر على الحظور
ومشكور على التنويه ههه والفالح يستاهل

$ الحــيــران $ 29-Nov-2007 01:48 PM
محاوره رائعه صح لسانك يالفالح وسارح البال

علي فلاح العضياني 30-Nov-2007 10:54 PM
اشكر الاخوان اللذين شاركونا في هذه الصفحه

وعزالله احرجني اخوي سارح البال بيض الله وجهه


الساعة الآن »04:54 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd