يبن عسّاف جاتك مار ميلها على الثاني=نهايه ذا السنه و العيد مقبل واعلن الحجه
لساني في فمي و المسلم السني من اخواني=ولا ابغى غيمها ينزاح عنها والسبب عجّه

انا عاقل والا أميٌل على العقال ميزاني =والا ياراعي العلطا على أيا درب متوجه
علامك تشعب القشرا بليا سرج وعناني =ترى بعض السوالف من بعدها تكثر الصجه

صحيح انك فهيم و علمنا واضح بعنواني=لاكن (السستم) المتقن حروفه نوب معوجّه
انا ما انجّب القشراء و قدمك بان برهاني=عليك تجمع الشرّد ترى الأبواب منفجه

الفالح
صح بدنك و جودك في الصف نوماس وانا اخوك

ابن عاصي
مرحبا ومسهلا صح بدنك الابداع وجودك

اظنه مايوصى في مساري الليل (سرحاني) =ياكم من ليله فيها القدم ياصاحبي سجه
عليك فلان يتشره ..عليك فلان زعلاني =ورجل مايقدر .. روس ربعه ..(يالله ترجه )

المشاركة الأصلية كتبت بواسطة { سلطان الجذع } (المشاركة 487087) اظنه مايوصى في مساري الليل (سرحاني) =ياكم من ليله فيها القدم ياصاحبي سجه عليك فلان يتشره ..عليك فلان زعلاني =ورجل مايقدر .. روس ربعه ..(يالله ترجه )

لو ان الناس في قالب لو ان الناس جذعاني=تبرمجها على حرفين يطلع ناتج الضجه
تقربني تبعدني ولا اضني تحداني=عليك نجوم يا سلطان لا تجذبك للجّه

دخيلك لاتلخبط فالسوالف وانت سحاني = تحاول تدعي ياراعي العلطا بلا حجه
لو أوقف على دربك حرام ماتعداني =لكني ليه أوقٌف واتحدى (شاعر الدجه )

المشاركة الأصلية كتبت بواسطة سارح البال (المشاركة 487097) هههههههههههه يالله ترجه صح لساك ولسان راع العلطا ابداع وحظور مشرف

انا قرنه ولي حق الفخر وافخر بجداني=ليا راحت علوم الغوج مثل العود و الدجّه
ليا منك وقفت وشفتني صديت من شاني=لخوف ان السهوم تصيب قلبك عرض و تخجّه

انا مااذمكم يااهل الفعول طوال الايماني =ولكن البلد تال الليالي ضايق فجه
هذا واللٌه لو انه ذكي ليعلق العاني =ثلاث سنين اسوقه مثل سوق الزمل واهجه

المشاركة الأصلية كتبت بواسطة { سلطان الجذع } (المشاركة 487136) انا مااذمكم يااهل الفعول طوال الايماني =ولكن البلد تال الليالي ضايق فجه هذا واللٌه لو انه ذكي ليعلق العاني =ثلاث سنين اسوقه مثل سوق الزمل واهجه