مساكم الله بالخير جميع وستلمو وسامحو كان فية اقصور اخوكم السيل الحافي

ياعيون الشعر وين الي على الجزله يطول= ابتدا سيل الشعيب و يردعه مـن يردعـه
من يحول في غزير اليـم يمكنـه ينـول= درةً في جوف شعرً يطرب الي يسمعـه

ياعيون الشعر شوفي واسمعي ذا وش يقول=الجبل ثابت وسيل الارض عيا يقطعه
مايغوص اليم يارجال رجالٍ كسول=ومن بغى در البحر لابد ينزل يجمعه

يا سريح البال سقها مثل سوقي للذلول = وأنت قدم السيل لاتاقف ويسري بك معه
أنت قدامك فحول وتبرك وزانك فحـول = والدرر في البحر واجد والشواعير أربعه

كان ابه علمٍ ورا صدرك يابن حافي يجول=هات علمك قبل يبطي في ضميرك واسمعه
الجمال اللي معي تبرك وتشتال الحمول=وانت قدامك جبل وحمول شلها واطلعه

المشاركة الأصلية كتبت بواسطة مرزوق العتيبي (المشاركة 485021) ومن بغى در البحر لابـد ينـزل يجمعـه رااااائع لاهنت ولا هان بن حافي.. واصلوا ....

وآهجاد القلب من غرواً حلا زينه يهـول = سبلة له روحي وعيني حلى تدمعة
لا بغيت تحط عند الناس لك فضل قبول = لا تحط الورد وسط الشوك منهو يزرعه

وآهجاد القلب من غرواً حلا زينه يهـول = سبلة له روحي وعيني حلها تدمعة
لا بغيت تحط عند الناس لك فضل وقبول = لا تحط الورد وسط الشوك منهو يزرعه

كان قلبك روحتبه في مفاتنها البتول=شد حيلك عند ابوها يمكن انك تقنعه
ماطلبت الناس ترضا وان رضو ماني جهول=ومن سقط في الارض يارجال محدٍ يرفعه

والله انك ياالسنافي لا صغير لا جهول = والكلام الي ذكرته ضايعً لـو تجمعـه
امش في صوت المعاني ونتقد قرع الطبول = اصنع اشرود الجزايل ماهي الي تصنعة

صاحبي ماتلاحظ انك صايرن معنا بطول=من يمد الكف الك ياصاحبي لاتصفعه
والنعم ياوليد عمي والله اني في ذهول=من كلامٍ تجمعه فالملعبه وتلمعه

المشاركة الأصلية كتبت بواسطة السيل-الحافي (المشاركة 485180) سارح البال لبرك الساعات لعبي معك وسعدة جداً بذالك تقبل تحياتي

المشاركة الأصلية كتبت بواسطة رمح العصاي (المشاركة 485094) لا بغيت تحط عند الناس لك فضل قبول واصل ياسيل الحافي ماسك الصف ولاهنت ياسارح البال

شاعركم انت الوافي وحياك