كان شبل المحاني مايعرف المنام=يسهر الليل كلة والبساط احمدي
لو يطول النزاع ولو يطول الكلام=انت ياشبل اعرفك خاتمً في يدي

عارفينك يا نايف معرفه بالتمام=نوب ملعون يا نايف ونوب اجودي
عارفين الحلال وعارفين الحرام=كيف تكذب عليه وانت مثل ولدي

انت كيف انت قايل يارفيع المقام=لاتخلي لزومك وانت منت ابردي
ماكذبنا عليكم يالرجال الكرام=يارجالن منول تلطم المعتدي

نحمد الله يانايف مجدنا فالسنام=والمراجل تجينا كل يوم اتعدي
لاتغير عقب ماقلدوك الوسام=انت تدري بنجم سهيل مثل الجدي

لاتراخى عظامك ياقوي العظام=وانتبة فالزوم اللازمة تحتدي
الاصيلة معي واقودها بالخطام=ثابتة حجتي ومثبتة بسندي

ماتراخت عظامي وانت منك السلام=وانت منته بتايب ولانته ابمهتدي
الاصيله تبا من يحتزم بالحزام=اركدي يامقاريد العباد اركدي

واضح العلم مثل النور يجلي الظلام=وانت منتة بعارف ويش هو مقصدي
انت شاعر ولك يابن الرجال احترام=مار من خلقتي ماقلتلك سيدي

القمر في محله ماغطاه الغمام=ونعرف اللي تقوله ابيض مع اسودي
بارك الله فيكم كل يوم(ن)وعام=مار خلك بعيد اهناك ولا بعدي