الليله الليله على بعض العرب علمٍ جديد=من بعد ماجينا نبى نأخذ جميع قوالها
حاضر بحاضر ودنا والله يدبر مايريد=انا وصلتك والحمول الجايره تشتالها

المشاركة الأصلية كتبت بواسطة ناصر الجلاه (المشاركة 483661) الليله الليله على بعض العرب علمٍ جديد=من بعد ماجينا بنى نأخذ جميع قوالها حاضر بحاضر ودنا والله يدبر مايريد=انا وصلتك والحمول الجايره تشتالها

الليل ياناصر وانا من دون ابن عمي سديد = انا وهو نحمى مواقفنا ليا قمنالها
تجيبها وتشيلها وتروح عنا من بعيد = الله يبارك فالشجره اللي يظل اظلالها

يامرحبابك ياعسى ماهي بطنات العبيد=الله يقديك السعد وألا ترى تشتالها
إن كان تبداها كذا ياعقاب منت مستفيد=اخطامها في راسها وايدينها بعقالها

حنا هل الوقفات والفزعات فاليوم الشديد = وانت الذي تشبّها ياناصـــر وتبرالها
الضلع راسي في مكانه يالعصيمي مايحيد = ياكثرها ناسن تساوى اقفايها واقبالها

ماذمكم ياعقاب لن جينا ليا العلم الوكيد=لكن انا نويت اذك الكاهنه وعيالها
إن كان سيفك من جريد انا ترى سيفي حديد=لكن روح يمها يمكن تعرف اشكالها

لويسمعك مستور يومنّك ترثّع فالقصيد = يمكن يحطك فالدروج اللي تصّك اقفالها
ياللي بوسط البنك لكن مابقى عنك رصيد = الله يستر لاتضيّع غترتك وعقالها

اجل بعد علمك هذا انته خليفه في رشيد=ياليت روق يعوضها الله في حشيو جمالها
ياهب ياللي له رصيدٍ كثر ميلان الوليد=ياعقاب قسمك من مواريد العدود حثالها

ان كان ياناصر تبا رايي مع العلم الاكيد = عينك تشوف الدار مار احسب رواس جبالها
حنا بنينا للمعرفه صرح لايمكن يبيد = لكن لو بعض العرب ترتاح كان اشوالها

كلمتك هاذي من جهل وألا ذكاء وألا بليد=ياوليد انا سجيت رجلي في ربوع حلالها
وحنا ترى قطم المحازم في مواقفنا نسيد=ياكم من عزوه تهاب جموعنا وقتالها