الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   مــحــــاكـــمـــــة ســـــلــــــطــــــان الــــــجـــــــذع (http://www.otaibah.net/m/showthread.php?t=53813)

علي فلاح العضياني 16-Nov-2007 09:42 PM
مــحــــاكـــمـــــة ســـــلــــــطــــــان الــــــجـــــــذع
 
الجذع صاير لسانه علينا طويل =والكلام الصحيح المعتبر يجحده
وان هجدته ما هو معجز و لا مستحيل=عادته ما يدلّ الدرب لين اهجده

نواف العصيمي 16-Nov-2007 09:44 PM
محكمه

:)

صح لسانك يالفالح .. وأزهل الصف



صح لسانك يالجذع ..


ولكم التقدير والإحترام

سلطان الجـذع 16-Nov-2007 09:51 PM
الجذع جاك بالحجه وجاب الدليل =يوم غيره يسولف علم ماوكده
ماانت قادر على راع الحصان الاصيل =وانت طول الليالي سبحه في يده

علي الثبيتي 16-Nov-2007 09:54 PM
الله الله
يابوفلاح
صح لسانك
ولسان الجذع

وتراني في صفك
وعندي شهادة هههههههههههههههههه ليلك ليل ياسلطان

فالح الكرنافـ 16-Nov-2007 10:01 PM
صح السانـ الشعار

واللهـ يعطيكمـ العافيهـ

علي فلاح العضياني 16-Nov-2007 10:07 PM
العرب كلها تعرف مطالع سهيل =اترك الزور يا سلطان لا تشهده
انت راكب حصان بدون سيفٍ صقيل=يعتبرك العضيّاني مقام ولده

علي فلاح العضياني 16-Nov-2007 10:08 PM
نواف العصيمي



مشكور على المرور يالغالي

علي فلاح العضياني 16-Nov-2007 10:10 PM
النشمي

هلا وغلا حيا الله ابوفهد مانستغني اذا عندك شي قدمه للمحكمه الشرعيه

لاهنت اخوي

علي فلاح العضياني 16-Nov-2007 10:11 PM
فالح الكرناف


لاهنت يالغالي

بندر المرشدي 16-Nov-2007 10:17 PM
الله...الله.. هذا والله الليـــــــــل

والله ولا محاكمة صدام

سلطان الجـذع 16-Nov-2007 10:22 PM
لا تحطون منكم للبريه وكيل =كل جاهل يحصل عاقل يرشده
دور لعلمك اللي مايجمل بديل =ليت ابو نيتين يجوز عن مقصده

علي فلاح العضياني 16-Nov-2007 10:37 PM
ما يشيل الحمول الا جملنا شعيل=يوم ظلاّ جملك ايدينه امقيّده
لو اقرّب زنودي من خشوم الفتيل =انقضت كلّها في فتره محدّده

سلطان الجـذع 16-Nov-2007 10:49 PM
بارق الصيف ماعدوا له الناس سيل =لو برقه يلوح ولو يدن رعده
مانت راعي كثير ولا انت راعي قليل =ليت عودك تهنا العام في مرقده

محمد العضياني 16-Nov-2007 11:03 PM
حضور للتشفي في المدعو / سلطان الجذع << مروعينه البارح

ايييييه ابا الثريا

عندكيه يالفالح لا يطلع غير بكفيل

هههههههه

عموماً صحت السنتكم الثنين

يالفالح ويا سلطان

متااااابع للفائدة والمتعة

علي فلاح العضياني 16-Nov-2007 11:07 PM
انت ثوبك من الدفّه ماهو بالاصيل=لو ينوشه حظير مع الطريق اهرده
وابك انا راعي الطالات زبن الدخيل=يوم بعض الرجال يغيب ما نفقده

سلطان الجـذع 16-Nov-2007 11:18 PM
وانت ثوبك قصُير لو قوامك طويل =غير هذا زمانك بيٌُده بيٌُده
وابك مانته شقير ولامرير الحبيل =تنقض الحبل والا ياعلي تعقده

علي فلاح العضياني 16-Nov-2007 11:44 PM
الله انه يعينك لو دموعك تسيل =استلمتك وانا في صحّةٍ جيّده
وابك شعري مع الشعار وزنه ثقيل=وخالك شقير ما قبله ولاش بعده

سلطان الجـذع 16-Nov-2007 11:50 PM
مانت في صحه ادري عنك قلبك عليل =كيف مسيود ..يطمع ياعرب سيده
خالي شقير بعده ورٌد أفخم موديل =وانت ماعضتنا في ميت فلحده

ناصر المرشدي 16-Nov-2007 11:54 PM
السلااااااااام عليكم



صح لسانكم كلكم


سلطان لاتسيدله هذا يباله واحدن يعطيه القاز ههههههههههههههههههه




واصلوااااااااااا

سلطان الجـذع 16-Nov-2007 11:59 PM
اقتباس:
المشاركة الأصلية كتبت بواسطة ناصرالمرشدي (المشاركة 481227)
السلااااااااام عليكم



صح لسانكم كلكم


سلطان لاتسيدله هذا يباله واحدن يعطيه القاز ههههههههههههههههههه




واصلوااااااااااا
لاتوصي ياخوي الجنب

انت تشوف فعلي فيه ...!!!

اقوى من فعلك في رفيقه هههههههههههه

علي فلاح العضياني 17-Nov-2007 12:01 AM
ليلنا بالعدد يسوى ثلاثين ليل=الجذع سيّده من مطرقه يجلده
خالك شقير لبيوت الجزاله عميل=وانت فقران حتّى الراتب اتقصّده

سلطان الجـذع 17-Nov-2007 12:11 AM
لاتعكس السوالف يالكبير الهبيل =اطرد الحلم عن راسك بعيد ..اطرده
مثل خالي ومدي يابن ثعلي جزيل =وانت ضو الكرم من بخل ..ماتوقده

علي فلاح العضياني 17-Nov-2007 12:29 AM
لوّ هرجك يابن عسّاف يشفي غليل=كان ضغطك ما يمديه ادنى ما زوّده
ما نت مثله ولا شقير الجذع لك مثيل=فالمجاليس له مركا ولك مسنده

سلطان الجـذع 17-Nov-2007 12:38 AM
انت اللي تركت شداد سحمه يميل =قبل تبدي كلامك ياعي نقٌُده
احمد الله . . ألي بين النشاما حصيل =وعلي فالمجلس المعمور ماناجده

سلطان الجـذع 17-Nov-2007 12:51 AM
الفالح تصبح على خير

ومشكور يالغالي

تشرفنا باللعب معك

والشكر موصول لجميع من سجلوا مداخلاتهم في المتصفح

رجا بن فهيد الهاجري 17-Nov-2007 04:29 PM
ياسلام يالفالح مبدا كايف


وسلطان الجذع بيض الله وجهك على هالرد


الساعة الآن »01:48 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd