الليل يأهل المنتدى من بدو وألا من حضر=اللي معه في خاطره علمٍ هنيا يرسله !!
سلطان شاعر معتبر وأنا كذلك معتبر=ابن زريبه مثله واباالعلا بأمثله !!

الليل دوب انه بدى ياغايب دوبه حضر =اللي على بالي يجي . . واللي على بالك قله
نبا نمثلهم على عز وعلى طيب وفخر =مافالرجل يارجل خير أن كان ماشرف هله

بيني وبينك سالفه دوك الخبر رد الخبر=وشلون حال أهل الجثوم وكيف حال أهل جبله
ياصاحبي ماعاد تنفع جلسةٍ فالمختصر=علمي هذا ماتجهله لوفيه ناسٍ نجهله

أهل الجثوم بخير مايشكون دورات الدهر =عاشوا على عز وفخر كل رفيع منزله
حنا قليلين العدد وانتم جراد منتشر =وابشرك مااحد تعدانا بفعل المرجله

الحمدلله جعلكم من زود مع كل البشر=ياصحابنا اللي يعقدون الحبل مدري تفتله
حنا تكاثرنا وكل في لزومه مشتهر=ياناقصينٍ فالعدد هاذي تراها ( مشكله)

مالك عذر مالك عذر ياصاحبي مالك عذر =اطلق قياد شعيل مع درب الخطر لاتعقله
تلاه حلاه الشئ في ندره وجوده (والامر =عز لنا تال الزمن ياصاحبي والا اوله )

بالله قلي بعد هاذي يالجذع وش تنتظر=شدادنا مازال باقي ماحدٍ قد حوله
واحد صفر ياصاحبي ياصاحبي واحد صفر=انته تريد ترقعه والمشكله زدت دبله

رجال ماعنده بصيره مايقديه البصر =والدرب الاول غيره دروب وراه مطوله
واحد صفر واحد صفر ولصالحي كان النصر =كل الحقايق واضحه ياصاحبي ومسجله

الجذع هذا فيه زوده مار انا علة نحر=ياهب ياراع البصيره والعيون مخلخله
بدا بدا ياصاحبي نفر نفر نفر نفر=ترى الرجال تحلل الاوضاع حملك وشتله

الاسم ناصر وانت لايمكن بوقتك تنتصر =في كل ليل تشيلها بين الرجال محثله
مسوي لك ذنب ياناصر وتتحرى الاجر =اللي سواتك مايغشه غير فعله وعمله

ناصر كذيا حاف ! ياسلطان يالوجه الأغر=عمك يعلمك الأدب لكن دوم تفشله
الله لايثمني يومنك يوم تنظرلي تقر=ماهوب ذنب أليا قريت ألك الفلق والزلزله

ياما حشرتك بالمعاني ياولد عاصم حشر =هذاه علم تجهله ..هذا مطب تأكله
عز الله انك يالعصيمي مانزلت الا بحر =مير انتبه للسالفه قبل اربط في سلسله

يابلشت بعيد النظر يالله تلهمني صبر=ذي عادة الروقه تطيش بفعل ماهي تفعله
لاماينقصني كلامك في شهر وألا دهر=هذا طريقك لاحديتك مهزله في مهزله

اهرج لكنك (لاتعم ) بهرجه الزور البشر =كلمتك هذي يالعصيمي كل روقي تزعله
وليا زعلنا يالجلاه وولع النور الحمر =مخطي الطريق المعتدل لو نمهله مانهمله

فالصدق ياسلطان ماهتميت في زيد وعمر=اللي زعل يشرب بحر ماعاد فيه مجامله
كنا نمشيها مزوح وضحك ويطيب السهر=واليوم من طول لسانه يالجذع ينقص له