يا سلمان انت روقي مار علمني من ايّا روق=هذاه المنتدى يا صاحبي نصّه من الروقه
انا افرح كل ما حصّلت لي شاعر وعنده ذوق=وبالعكس اكره اللي ما يوافق ذوقي لذوقه

المشاركة الأصلية كتبت بواسطة الفالح (المشاركة 476455) يا سلمان انت روقي مار علمني من ايّا روق=هذاه المنتدى يا صاحبي نصّه من الروقه انا افرح كل ما حصّلت لي شاعر وعنده ذوق=وبالعكس اكره اللي ما يوافق ذوقي لذوقه

من الروقه ومن مزحم وخذها فاول الطاروق=عتيبه كلها مثل الرصاص بوسط صندوقه
وانا ماني براع الدله اللي بنها محروق=دلال ٍ من شربها فوق كبده زادة احروقه

نصيحه وضّح العنوان كله واحسن المنطوق=ترى الرجال يا سلمان يعرف حسب منطوقه
انا لي نظرتي فالشعر يا سلمان منك و فوق=بنيت البيت بذراعي و رزّيت العلم فوقه

عطيناكم خبر لكن يالفالح عليك أحقوق=ترى الرجال ياشاعر لابده يوفي أحقوقه
الك نظره ولي نظره وخذ مني خبر ماثوق=ترى نكبت مصر ياصاحبي من حكم فاروقه

ليا اكملت الخبر تقدر تلحّق بالخبر ملحوق=على هونك ترى اللي باقيه بالهون ملحوقه
انا هامور وابيع اسهمي دايم بسعر السوق=وسوق الاسهم الهامور يرفع في سعر سوقه

أشوف الناس تسئل ودها تعرف دفعها الشوق=وصاحبنا يغني بالحون ويجهل أطروقه
هوامير الزمن هذا ماتملك مال فالصندوق=تساهم ماتساهم عندها الارزاق ممحوقه