سلام تسيلمه تجيك بكيف بن وكيف هيل=على رجال(ن) وافي(ن) تقديرها بمقدارها
يالفالح أنته صاحب الشان وعلى الدعوى وكيل=خلك على هقواتنا اللي ماهقينا غارها

يا مرحبا ترحيبةٍ تحسب من الوزن الثقيل=يا ربعنا اللي يا ماشاء الله يا كثر شعارها
انا على الهقوه واشبّ النار في خشم الفتيل=يوم انّ بعض الناس ما تقدر تولّع نارها

ربعك معك مايبخلون بحاجه ولا أنته بخيل=الله وأكبر يالعلوم اطوالها واقصارها
إنسى الرفاقه يالرفيق إنس الزماله يالزميل=ماكلفتنا ذبحة ام جنيب لو في غارها

الحمدلله ما نبالك لا كثير ولا قليل=كل العرب يا صاحبي عندي جميع اخبارها
أمّا انّي انسى رفقتي هذي هي اللي مستحيل=والكلمه اللي قلتها يقنعك ربي خارها

ماني مدور من ورى مد الجميل أبغى الجميل=ياللي عباتك فوق حلقك مايصك زرارها
لو الطبايع تنتبدل شوف عن طبعك بديل=وأتلا الزمن بقعاء تبا تبرك علاك بزارها

الليله انت مولّع النور القصير اعن الطويل=الله ولا طرقتك هذيه ولا مشوارها
ما تختلف ملّة هل الطالات مزبان الدخيل=وانا احسب انّك من رياجيلٍ طوال اشبارها

الليله الموضوع فحص أخلاق والمسرى طويل=ورى صحيبي يصفق بيمناه فوق يسارها
حنا لكم وأنتم لنا والعز للسيف الصقيل=يالله دخيلك مسرع أصحابي تبيح أسرارها

الليله انته بان لي ما في ضميرك من حصيل =ما تدري ان اهل الوفا دايم تحكّم شارها
عوّد على درب السنع لن كنت رجالٍ دليل=وليا احتديت ايسار قلنا خارها في غارها

أهل الوفاء على الرفاقه ماتحط ولاتشيل=من ضيق صدرك تخبط الارض ويطير غبارها
احفظ وصاتك لك يابن عمي ولحّن كل ليل=وألا دروبي قدم ما أسوق الركاب أختارها