ياعتيبه الهيلا سلام وتحيات=والناس كل ٍ له مواقف وعادات
وانتم كثير افعالكم مدح للذات=والله يعين الصابر الله يعينه

وين سلطان ياعتبان راع الوسام = ودي اركي عليه النار واشبها

يالله ياسلطان الجذع شد حيلك=الليل هذا لي ماهو بليلك
واقول والله غير تعرف قبيلك=الله يعين الصابر الله يعينه

ناوي ابين المنتوج بعد الكلام = انت عندك جروح وجيتك بطبها

يامرحبا واقلط على الراس والعين =في واجب الهيلا كعام المعادين
اهل المواقف ملحقين المخلين =والله يعين الصابر الله يعينـه

انت نارك على سلطان برد وسلام =مار كب العلوم الناقصه كبها

اشد حيلي مع رجال يوفون =واللي سواتك معه ممشاي بالهون
لكن غن وصارم الهند مسنون =والله يعين الصابر الله يعينـه

شفت لي طير واحد من طيور الظلام =من طيور ربى في خافقي حبها

دام البقا والراس عالي ومرفوع= ولايخضع الا واحد ٍ عاش مخضوع
وانا خصيمي مايمرح على الكوع= الله يعين الصابر الله يعينه

يالجذع مانزلت من السما والغمام=والطويله عسير ٍ مثلك يذبها

تنفخ بحالك وانت حسبة ولاشي=يارب لاتبلاني بكبر وبغي
لكن انا بكويك واباركي الكي = والله يعين الصابر الله يعينه

ذاك شفته وهو معروف شكلك تمام = جيت يم البحور وحتفك بغبها

الليل توه والمسافه طويله =وانته بعير للحمول الثقيله
نوخ لحملك ياصحيبي وشيله=الله يعيـن الصابـر الله يعيـنـه

كل مانسمعك يلحقك منا ملام =انت سبحه كفوف الربع تلعبها

ماهو تكبر بس عارف مقامي =كم عين افرح نونها كل عامي
وعيون نحرمها لذيذ المنامي =الله يعيـن الصابـر الله يعيـنـه

الله الله تجهز واحتزم بالحزام =الرحا دوب درات وطحنت حبها

حمولتك ترجع بها وانت مجبور=لكن ضو النو يامطفي النور
مانته بلاقي عندي افراح وسرور=والله يعين الصابر الله يعينه

والله اني من اللي يرفعون المقام= اعرف الناس ثم اقدم على سبها

عارف مقامك وانت جاهل مقامي=اثريك عرضت البشر للعدامي؟؟
هو وين ذكرك يارشيد الزلامي= والله يعين الصابر الله يعينه

المطية معي واقودها بالخطام=لو تحاول يمين يسار مااكبها

لا والله الا حملتك مير شلها =هديه مانته محصل بدلها
انته نعدك طال عمرك جملها =والله يعيـن الصابـر الله يعينـه

انت رجل كريم ليا لفوك الكرام =دله البن الاشقر صبها صبها

ذكري مع اهل الطيب وافين الاشبار =فالموقف الثابت على شبه النار
والا انت ماتذكر بشر ولا خار =والله يعيـن الصابـر الله يعينـه

قلت لك صل يالماموم خل الامام =قاصر اليد مدري كيف يشربها

هديتك مالي بها يابن الاجواد=شلها بجيبك ثم وجه بها غاد
عزالله انك مانت كاسب لك افواد=والله يعين الصابر الله يعينه

انت رجل ٍحشيم ليا لفوك الحشام=من لفو يمك اقمز ثم رحب بها

شري لمن يبغاه حاضر وموجود= وخيري لمن يبغاه ماهو بمحدود
لكن تبغى البيض ولا تبا السود= والله يعين الصابر الله يعينه

كان حلقك توقف فيه بعض الطعام=اترك اللقمه اللي غير تنكب بها

انته تمنع وانت تبغى الهديه =لكن بكره قيلوا فالحجيه
ويجيك راعينا يلم الرعيه =والله يعيـن الصابـر الله يعينـه
لاتعدى وانا عمك حدود النظام =لاتدور على النشبه وتنشبها
اقول لك واعيد ..لاشر لاخير =مير انتبه للوارده والمصادير
قدام ترميبك سهوم المقادير =والله يعيـن الصابـر الله يعينـه
دارنا مايهاز وروسنا ماتضام =كم روس على الماقف نشيب بها

لاوالله الا ويش ابي في هداياك=لكن بالله طيعني قد ماطاك
وانت تراك انت الرعيه وانا ارعاك= الله يعين الصابر الله يعينه

ماانت عمي وانا اللي مركبي بالسنام=ياعقولٍ عسى المعبود يذهب بها

الله ياليتك ناقة ٍ شكلها زين=وابوك يجمعها مع ابلٍ مزايين
يمكنه اليا باعها يوفي الدين=حيثه على شرواك ربي يعينه

واخسارة عتيبه منك ياذا الغلام=هي عزيزه ولكنك تعيب بها

مانت بولد وايل الناس تعرفك =لكن يمكن عزوتك ماتشرفك
ماني بلايم يالمطيري تطرفك =الله يعيـن الصـابـر الله يعيـنـه

مركبك فالسنام وعادتك كل عام =ارفع ايدي يالغالي الى ربها

لا والله الا بعير مامثله بعير =فكوه في هاك البكار المصاغير
يمكن يجي منهن عيال بهم خير=الله يعيـن الصـابـر الله يعيـنـه

والله انك على ماقيل مانت بتمام =مير تبت يدين اللاش وا تبها

ايوه عرفت اني من عيال وايل=ماني من المطران والشك زايل
اركسك واولع بخشمك فتايل= والله يعين الصابر الله يعينه

شمسنا شارقه من فوق ليل الظلام=لاتعذب بنفسك لاتعذب بها

لايابعير ٍ مالقينا لك اوصاف= انته بعير ٍ مابه جنوب وارداف
واليا نهرته يمشي قبال وخلاف= الله يعين الصابر الله يعينه

الحراره بكبدك طفها بابتسام=ماعلينا مطالب منك نطلب بها

المشاركة الأصلية كتبت بواسطة عبدالله الجـــذع (المشاركة 476565) وااااااااااو سلتان فري قود<<مايعرف انقليز.. كفوو والله يأبن العــم وروووووووووووووووووووووووووووووح.. وأنا فــ] صفكـ ولايهون المطااري...